فى البداية اذاعت وزارة التربية والتعليم ان هناك رفع للظلم عن المعلم المطحون وانه سيأحد حقة المسلوب
وانه سيسكن ( فى المرحلة الثانية للكادر) حسب سنوات الخبرة التى شغل فيها الوظيفة
.. قلنا الحمد لله
قالوا هناك امتحان للمدرس فى اللغة العربية ( حتى ولو كان يدرس لغة انجليزية ) مثلى
قلنا مفيش مانع .. لغتنا القومية ولازم نجيدها
قالو سيكون هناك امتحان فى المهارات التربوية
قلنا ماشى نعود ونقالب صفحات المواد التربوية ( مع انى خريج كلية تربية )
قالوا طب لازم تؤدى امتحان فى التخصص مع انى ازاول المنهنة من 10 سنوات واحمل مؤهل اكاديمى من كلية التربية ( فى مصر ) يجيز لة تدريس اللغة الإنجليزية
قالوا تمتحن تانى
وبالأمس ( المفاجئة ) اعلنت الوزارة انه الأساس فى التسكين دا ليس سنوات الخبرة فقط بل الدرجة المالية .. كل يوم قرار يناقض ما قبله . ( سنوات الخبرة - لا... من استلام العمل -...لا من تاريخ التعين ... لا لا لا اقول لك بالدرجة ) المهم ان يستفيد اقل عدد.
يعنى عندنا وكيل مدرسة خبرة 33 سنه سيسكن على درجة معلم اول أ والمفروض يسكن على درجة كبير معلمين . و90 % بالنظام ده سينحصروا بين معلم ومعلم أول أ .
.. بالله عليكم ما هى نهاية هذة المسرحية دى . وهل الحكومة فعلاً تورطت فى حاية الكادر ؟؟؟
__________________
أ/ رضا غالى [ معلم أول (أ) لغة إنجليزية ] إدارة شرق طنطا
|