فى البدأ احب اشكر كل اللى جاوبوا بصراحه فى الموضوع ده وهو ده كان فى الاصل هدفى (الصراحه)
وانا احب دلوقتى بعد ما شفت اجابتكم اوريكوا الحكمه من الاسئله دى
*انا عارف ان وزير التربيه والتعليم غلط غلط كبير جدا وحتى لو كان مش معترف بيه بس احنا عارفين انه غلط لكن مش ده اللى انا بقصده انا كل اللى اقصده ان لما فيه واحد غلط فى حقك وجه قالك انا اسف بتحس ان دى كلمه تافهه ما بتعوضش اى حاجه فياريت تفتكر قيمه انا اسف عند اى حد انت بتيجى تعتذرله واعرف انها برضه مابتنفعوش فى حاجه ولا بتصلح حاجه من الحاجات اللى انت غلط فيها
*انا بجد بشكر العضو medooo على رايه فى النقطه التانيه فعلا الدرجه بتتقدر بقيمه اللى هتغيره فى مجموعك لو انت محتاج درجهه واحده بس علشان تدخل كليه انت عاوزها هتبقى مستعد تشتريها بملايين لكن لو انت ناقصك 50 درجه ما بتسواش الدرجه عندك نكله واحده
*اما لو لقيت ربع جنيه على الارض فاحسنلك ما تقربش منه اصلا لان بدرجه تفاهته ممكن يكون سبب فى دخولك النار اما الاعضاء اللى قالوا هنتبرع بيه او ........الخ هو بصراحه حاجه كويسه بس انا افضل انك ما تتصرفش فى فلوس مش بتاعتك حتى لو كانوا ربع جنيه
*الناس اللى بيحبوا يتكلموا مع اصحابهم ما بيثقوش فى قرايبهم امال انتوا ازاى عايشين مع ناس بتخوّنوهم
والناس اللى ما بتحبش تحكى لصاحبك وما بتثقش فيه مصاحبه ليه لسه
*لو ليك صديق مسيحى ودعيته للاسلام علاقتك هتتغير معاه 180 درجه
شوف انت بقى تحب تحافظ على صديقك ولا تحب تخدم دينك
|