على صوت تغريد بلبل
مسهرنى لجل ماسمعله
وعلى صوت اذن الفجر
يطمن قلبى فاتزيد راحته
على ريحة النسيم متظبة بالقهوه
وشعور بسعاده يجلى على سهوة
لما اشوف نور البكور
والشمس بتتولد لليوم
والنخلة بتنده للولد قوم
ياولد نخلتك طرحة
بلح بحلاوة النيل
وطروه القلوب الطيبين
فرحة !!
بحس والله انا بفرحة
لما القى الصبية مصر
بتتمشى على شط بكرة
بتقول انا لسة شابه علفكرة
لسة جمالى بيدهول رجال
جاين ورايحين
وانا عايشة بربى العيال
ولسة ارضى مخصبة بالخير
اقول يا جماللك الصابح
يا شجر عمرو مكان طارح
الا ثمار الصبر والراحة
يا مصر علينا براحة
على جماللك دة مقدرشى
وعلى قوتك يااااا الله
ماقومشى
ومهما اشوف فيكى واقول حنساكى
معرفشى ؟!
تقولى لساك يواد حتعرفنى؟
اقولها اه ولسة بحبك
مهما عشت فى هواكى اسير ومتبهدل
ولسة بشوف فيكى الويل الى متقدر
يا حب زى داء ملوش دوا
بحبك من قبل ميخترعو ا حتى الهوا
مهو لا حبك لا موت ملهاش خيار تانى
ا حبك ق ت ل ن ى ورب العرش نجانى
تغمزلى حببتى بعنيها وتقولى
حبيب قلبى
يا ضنا روحى
يابنى
لا كان بيدى اختار تعبك
ولا قادرة اشيل همى
ببان وسط الديابه اسد
واربط على قلبى
اخاف لا بان مكسورة
كلاب الغدر تنهشنى
ابصلها مشتاق
فا تحضنى
وتكمل بقيت كلامها حنان
بتصبرنى على الى بشوفه فى الايام
واصحى من نومى فاجاءة
على صوت امى
بتقومنى من نومى
ابص فى وشها اضحك
ملامحمها شبه حببتى تمام
اتارى حلمى اتحقق
ومصرجتلى فى المنام
بقلم/اشرقت الشمس