[عاطف حمدان محمد]

** أم الشهيد **
يا امي ليه البكا
هو الشهيد بيموت
بكرة يكون اللقا
واسمع لضحكك صوت
يا ام الشهيد افرحي
ابنك ده في الملكوت
في الجنة دي مسكنه
ادعيلي بس اموت
وابقى الشهيد البطل
احسن ما اعيش مكبوت
يا ابني الفراق قتّال
والله على عيني
طب قولي اعيش ازاي
بعدك يا نور عيني
طب مين في ليل الشتا
بإيديه يغطيني
طب وان بكيت م الزمن
مين اللي يحميني
وانت يا ولدي السند
صوتك بيحييني
يا رب اموت والنبي
واشوف ضيا عيني