أستاذة لافانيا
أكيد حضرتك زهقتي مني
بس يشرفني اني اكون اول واحدة ترد على موضوع حضرتك
التسول فعلا انتشر بشكل رهيب في بلدان كتيرة مش في مصر بس
ولو جينا للأسباب ممكن ان الانسان المتسول ملقاش شغل
فيضطر يكسب رزقه بالطريقة دي...وفي ناس بتستسهلها على انها تشتغل فتتمسكن واي حد يعدي عليهم هيديهم ما في الجيب علطول
وزي ما حضرتك قلت انها باقت مهنة
مش عارفة الكلام اللي هقوله صح ولا لأ ....بس أنا حاسة ان في ناس بتتسول بالرغم من انها بتشتغل
(الواحد يبقى عنده وظيفتين يعني)
نيجي للنقطة التانية :فكرة اننا ندي للمتسول فلوس كل شوية دي مش كويسة
بس بما اننا بشر فمحدش بيستحمل يشوف ناس كده من غير ما يديها على قد ما يقدر
بس الأحسن نوفر ليه شغل بدخل ثابت..عشان ياكل بيه نفسه وولاده ويكفيهم ومعتقدش انها صعبة
ودلوقتي الجمعيات الخيرية في كل مكان..
لان احنا لو فضلنا بس نديهم فلوس هنكترهم وفي ناس كريمة بتدي بزيادة فكأنه مرتب بالظبط
وكاننا بنقول(اتفضلوا المرتب اهوا تعالوا بكره وهنديكوا تاني)
كلها ظروف مجتمع ..الأمية اللي في مجتمعنا والفقر والبطالة كلها عوامل للتسول ..لازم نقص جذور المشكلة مش نحلها من فروعها
خلصت المحاضرة  :av4056bb7jp 3:
تقبلي مروري استاذة لافانيا
تحياتي
__________________
نظرة بريــــــــءــة.......لا تساورها الهمــــوم
|