[MohammeD el_SadaT]

بسم الله الرحمن الرحيم

السلام عليكم ورحمه الله وبركاته

• أولا

أنا مكملتش الموضوع قراءه للأخر ولا حتى قرأت نصه لأنه كله تقريباً فكره واحده مفيش جديد

• ثانياً

محدش يقدر ينكر جهود السيد الرئيس محمد حسنى مبارك ولا يقول إنه كل مساوىء بس بردو منقدرش ننكر إن عيوبه أكتر من حسناته وإن اللى عمله من إنجازات ميغفرلوش اللى عمله فى الشعب المصرى يمكن هو مش فاسد بس الحاشيه اللى حوليه أغلبهم فاسدين وطعاً كلنا عارفين " كلكم راعى ومسؤل عن رعيته " يعنى مش معنى إن هو مش فاسد إنه هيتعفى من المسؤليه

• ثالثاً

سيدنى أبو بكر رضى الله عنه وأرضاه لم تولى خلافه المسلمين قال فى خطبته المشهوره لقد وليت عليكم ولست بخيركم إن أحسنت فأعينونى وإن أسأت فقومونى شوف بقه سيدنا أبو بكر خليل رسول الله قال إيه لو أخطأ نقومه ونحاسبه تعالى إنت بقه كلم أمين شرطه مش هقولك ضابط كان نفاك

• رابعاً

لما نبقى عايشين فى بلد فيها الخير ده كله وأهلها مش لاقين العيش الحاف الحرب شغاله عشان رغيف العيش وعلى الصعيد التانى فيه ناس بتلعب بالمليارات لعب دا يرضى مين
لما يبقى فيه وزير ثروته تتعدى 45 مليون ولا مليار دايبقى ايه سياده الريس ابنه جاب الفلوس اللى معاه دى منين
يابنى الشعب بيموت وانت لسه بدافع عنه