~~~~~~~~~~~~~~~~~~~~~~~~~~~
الشرح موضح كل حاجة
تقريباً بتحل كل المسائل من النوع ده !!
هـ تفيدك جداً فـ التأكيد على النواتج
حتى قبل ما تحل المسائل ,,
طبعاً فيه غيرها من مميزات
وأعتقد ان الفيديوهات كافية فـ مجال دراستك ,,
للأسف خبرتى بيه محدودة جداً
واللى بـ يدرسوا كومبيوتر ساينس أكتر خبرة فـ التعامل معاه
عموماً بعد ما تجيب النظام ده
هـ تدوس شفت 3 عشان يعرض أنواع البوابات قدامك
طبعاً لازم قبل منا تبدأ تستخدم النظام ده تفهم الآتى :-
1- لازم كل المعادلات تكون مرتبة
تبدأ بالرمز اللى له أعلى أس ( باور ) وبعدين ترتب الباقى تنازلى
ده بالنسبة للمعادلات التربيعية والتكعيبية
2- بالنسبة للمعادلات من الدرجة الأولى فـ متغيرين أو 3
لازم تراعى ترتيب المعدلات تحت بعض بحيث كل رمز تحته اللى زيه فـ المعادلة اللى بعده
عشان الإدخال يكون سليم على الآلة ,,
1- حل معادلتين آنيتين فى متغيرين من الدرجة الأولى
أو س و ص
مثال :
س + ص = 52
س – ص = -2
ـــــــــــــــــــــــــــــــــــــــــــ بالجمع
.:. 3س = 3
س= 1
بالتعويض فـ أى معادلة
ص= 3
,,,,
إزاى بقى ادخلها على الآلة
بعد ما تجيب الايكوشن
دوس 1
لازم تكون مرتب المعادلات عشان متتلخبطش وأنت بتدخلهم
بعدها هـ تدخل المعاملات بس ( يعنى الرقم اللى جنب الرمز )
السطر الاول
A
هو معامل
س مثلاً
وبالتالى
A
فـ السطر الثانى هو معامل س برده فـ المعادلة التانية
بالنسبة للمثال اللى فات
هيكون الادخال كالتالى
2
=
1
=
5
=
1
=
-1
=
-2
=
الحل هـ يكون
اكس هى المجهول الأول اللى أنت دخلته
والواى
هى المجهول التانى ,,
2- حل 3 معادلات من الدرجة الأولى فـ 3 متغيرات
و دى لها طريقة كرامر المقررة فـ المنهج
استخدم الآلة للتأكيد على النواتج
> هـ تكون الطريقة زى اللى فاتت بالظبط
3- حل معادلة من الدرجة التانية فـ متغير واحد
> اللى هى المعادلة التربيعية
لو عايز تعمل الخطوات كلها وتبين خطوات التحليل :
وده لو عايز قيمة اكس علطول ,,
( لازم المعادلة تكون صفرية )
وده فيديو تالت عشان المعلومة توصل
هو بس الفيديو ممكن يكون غامض شوية
ببساطة اعتبر كل اكس هى س
a هو معامل س تربيع(أ)
b هو معامل س(ب)
c هو الحد المطلق (ج)
واللى هو حسبه ده وطلع 19 ده المميز
والمفروض تكمل بالقانون العام عشان تطلع جذور المعادلة
وطبعاً أكيد المعادلة دى كان ينفع تتحلل قوسين ,,
4- حل معادلة فـ متغير واحد من الدرجة الثالثة
نفس الموضوع فـ اللى فوقهتدخل المعاملات بالترتيب من الباور الأعلى للأقل
ملحوظة > لو افترضنا ان س2 مش موجودة
فـ بتكتب مكان المعامل بتاعها صفر
~~~~~~~~~~~~~~~~~~~~~~~~~~~~
المصفوفات مهتمتش بيها عشان مش فـ المنهج
>> يتم ادخال المحدد بالعكس فى حالة أن المسألة بالعربى ,,
~~~~~~~~~~~~~~~~~~~~~~~~~
أو مثلاً لو احتجت ترسم دالة
بيكون الموضوع مستفز
أوى أنك تعوض بكل قيمة على حدة
فـ الآلة بـ تسهل عليك ده
Mode
Table
بتدخل الدالة زى ما هى
مثلاً
س2 + 4
بتكون
Alpha
)
X^2 (اكس تربيع يعنى )
+
4
كده أنت كتبت الدالة
بعد كده بتدوس
=
بعدها هيسألك على بداية فترة التعويض
يعنى الرقم اللى يبدأ بالتعويض بيه فـ الدالة
بتكتب الرقم
وبعدها
=
وبعدين نهاية الفترة اللى هتعوض فيها
ثم
=
وبعدها خطوة التعويض
بمعنى
أنت عايزه يديك رقم كل كام
يعنى يعوض كل 1
أو 0.5
أو 0.25 وهكذا ,,
وبعدين =
هيديك جدول فيه كل القيم
الشرح للمتجهات ثلاثية الأبعاد
بس ينطبق على ثنائى الابعاد عادى
لكن صعب شوية تفهم الفيديو
من غير ما تكون فاهم المتجهات كويس جداً
وكمان لازم تكون متخيل الموضوع فـ الفراغ مجسم باستخدام البعد الثالث
أنك تسمع المحاضرتين دول من اعدادى هندسة
لو دست شفت مود هـ تلاقى اختيارت كتير فـ شاشتين
دول حاجات ضبط ثانوية يعنى
منها التقريب ونظام عرض المضاعفات
ودرجة لون الشاشة وتحويل نظام قياس الزوايا
و و و حاجات مش مهمة أوى تقدر تعرف عنها أكتر فـ الدليل بس هى مش مهمة اوى ,,
ده دليل المستخدم الرسمى من كاسيو
والناس اللى عملت الفيديوهات دى
و الغلبان اللى جمعهم التجميعة دى ؟
ياريت تدعيلهم وتدعيلى دعوة كويسة كده
بالسلامة 