[sayed badr]

المشاركة الأصلية كتبت بواسطة lally adel

الحلو ف اللى انت كاتبه ده هو انك كاتب اول حاجة " كتاب المدرسه " .. بص هوكتاب عقيم و ملخبط ف بعضه و الكلام سايح على بعض و فيه كل العبر .. بس ضرووووووري جدا تقرا كل كلمة مكتوبه فيه .. ماتعديش حاجة و لو صغيره .. لان ممكن يمسك الحاجات الصغيرة دى و يعمل منها امتحان كامل .. حصوصا الكهربية و كام فصل كدة من الحديثة .. فيهم خبايا كتير
اظن كدة كويس و مايتهياليش هتحتاج كتب تانى الا اذا كنت حابب تراجع و انت بتحل .. بمعنى انك مثلا خلصت 3 فصول فيزيا و عايز تفتكر اول فصل ذاكرته كدة او تراجع عليه فهيبقى احسن حل انك تمسك كتاب تانى و تحل على الفصل ده منه
اما بالنسبة للانجلش لو مذكرة المستر فيها اسئلة تمام يبقى كدة كويس .. لكن لو مفيهاش ممكن تجيب كتاب تانى مع دول .. انا صراحة ماشتغلتش من the best لا ف تانية و لا ف تالتة فمعرفش مستواه ايه .. لكن انت عموما جرب نفسك ف اول شهر دة و شوف لو حسيت انك محتاج تحل تانى قولي و انا اقلك على اسامى كتب انجلش كويسه
بالنسبة للجيولوجيا فدى انا مافيدكش اوى فيها عشان احنا مخدنهاش زى ما انت عارف .. بس هسالك صحابي اللى كانو ادبي
على فكرة الامتحان فيزيا اسئلة بس مفيهوش شرح .. عشان تبقى عامل حسابك يعنى

اظن كدة الكتب دى كفايه الا لو زى ما قلتلك حبيت تراجع و انت بتذاكر ف نفس الوقت

ملحوظة صغننه : انا اكبر منكو بسنة واحدة بس .. فمفيش داعى لــ " حضرتك " دى .. ما تحسسونيش انى عجوزة

الله يعينكو

ويعينك يا رب ... انا جبت الامتحان فيزياء فى شرح وفى اسئلة والاحياء بردو كدة انما الكيمياء هو بس اللى اسئلة وبالنسبه لمذكرة المستر انجلش فيها اسئلة طب ممكن مجيبش the best واجيب كتاب مجرباه و كويس يعنى ؟