[ابراهيم ابراهيم الأشرم]

المشاركة الأصلية كتبت بواسطة منير يوسف فوزى

أولا:- اجابه على سؤال حضرتك (الاتنين عملو ايه للتعليم الفنى ) فاكيد ان الجواب موجود في النص وهو انهم عملو استراتيجيه التعليم الفنى وهى استراتيجيه بالمهلبيه و اكيد قشطو التعليم الفنى بناء على تلك الاستراتيجيه البدنجانيه المتفاعله مع الرؤيا المستقبليه للتعليم الفنى المنبثق من البعد اللا مرئى للجوده الشاملة المتحده معه راسيا ومركزيا و المتنافره معه في ذات الوقت تنافرا افقيا متعامدا مع البؤرة المحوريه للامان يالالالى
( أظن كده الاجابه وضحت خالص خالص خالص خالص )
بالنسبة لسيادة اللوز الذى اهدى 4 مصانع تابلت فالحقيقه انه كان وارثهم عن الست الوالده الله يرحمها و تبرع بيهم من جيب الست الوالده كصدقه جاريه على روحها
والى حضرتك متعرفوش ان معالى الوزير راجل خير بطبعه و حب يشارك في الثواب فياريت ماحدش يحرمه من انه يشارك في ثواب الصدقه الجاريه و يعين المتبرع كمستشار عشان يلم له قرشين بدل المصابع الى اتبرع بيها كصدقه جاريه ولو ماكانش اتبرع بيها كانت هتاكله الشهد هههههههههههههه بس هو فضل انه يتبرع للوزاره عن انه ياكل الشهد
والى انت اكيد متعرفوش ان سيادة اللوز اتصل بجمعية الاورمان قبل ما يتبرع بالمصانع لوزارة التربية والتعليم و جمعية الاورمان رفضت تاخد المصانع دى و حرمت المتبرع الكريم من ثواب الصدقه الجاريه و لما الوزير عرف بالموضوع ده الدمعه كانت هتفر من عينه وفورا اتصل بالراجل و قبل منه التبرع بالاربع مصانع و زى ماقلت لك عشان يشارك في الثواب و كمان عوضه بالوظيفه ( بذمتك فيه وزير حنين اكتر من كده؟؟؟؟)
انا بهير نفسى انبهرت هههههههههههههههههه لدرجة ان الدمعه كانت هتفر من عينى وانا بكتب القصه بتاعة التبرع دى
عاش معالى السيد الوزير عاش معالى اللوز المتبرع الكريم و رحم الله الست الوالده للاتنين

سكر يا عم الحاج و دمك عسل بالقشطة الله يحليك و يعسلك يا سكرة