[الرهينه]

اسكتوا انا عملت انهارده حته مشروب ولا فى الاحلام

بصراحه لحد دلوقتى مش عارفاله اسم

بس مش مهم نفكر فى الاسم سوا

المهم ندخل فى الطريقه على طول

جبت مياه مغليه وحطيت فيها كيس فانيليا و 3 ملاعق سكر وتقلبيهم قيمة ساعه ونص:D

وبعد كده حطيت عليها ملعقتين بن وبرده قلبتهم جامد وبعدين عصرت عليهم ليمونه

وبعد كده حطيت ملعقتين عسل وقلبتهم برده " بصوا هى الوصفه تلت ارباعها تقليب اساسا:D"

بعد كده بقى جربت فى اختى .. هى اول واحدع داقتها وبلاش اقولكوا على اللى حصل :D بس اقدر اقولكوا ان النتيجه كانت غير محموده

وبعدين دوقتها لماما راحت مصوته فى وشى

:D:D

بس الوحيد اللى نصفنى اخويا احمد بقوله دوق ده .. قالى هو ايه .. قولتله مش مهم دوق بس وقولى .. لقيته رفع الكبايه ما نزلهاش غير خلصانه:D

وانا كنت واقفه منشكحه :D

وكلهم واقفين فى حالة ذهول ومش مصدقين اللى بيحصل بس الحمد لله آثارها الجانبيه لسه مش ظهرت لحد دلوقتى:D

جربوها بقى وقولولى طعمها ايه