اقتباس:
المشاركة الأصلية كتبت بواسطة nana_kh
ربنا يعينكم
الموضوع جذبنى بس انا طالبة مش مدرسة
بس احترم اى مدرس ومكانه فوق راسى اللى مبيديش دروس خصوصية
هيا ذل فى ذل اصلا لينا وللمدرسين
بس لما بيدينا مستر كويس بندعيله بالخير علطووووووووووول وان شاء الله يلاقوه فى الدنيا والاخرة
لكن فى مدرسين بسم الله ماشاء الله بيطلعوا كل بلاهم علينا وطبعا الاغلب بيدعى عليهم
فذكرى كويسة فى نفوسنا منكن تغير حياتكم للاحسن
فى كتير مدرسين فى حياتنا علامات لا يمكن ان ننساها ابدا
وهناك اساتذة هم من زرعوا الامل فى قلوبنا
فوظيفة المعلم بمكانتها العظيمة ليها اجر كبير عند ربنا ان شاء الله
|
كلامك يا نانا جميل وياريت تكتبيه فى موضوع مستقل كرسالة من طالبة للمعلمين اظن هتلاقى صدى واسع وايجابى عند معظم الزملاء المدرسين. وموضوع الدروس الخصوصية موضوع كبير ومتشعب ومحتاج وقت عشان يتحل لكن اللى بيدفع المدرس انه يدى درس خصوصى هو العامل المادى بالاساس وعن نفسى معنديش مانع ومش شايف مشكلة ان مدرس يدى درس خصوصى (طالما) شايف شغله فى الفصل وبيراعى ضميره بكل اخلاص ومش بيتاخر عن طلابه فى اى سؤال، غير كدة يبقى بياكل حرام
وبرضه ارجع واقول ان ولى الامر له دور كبير فى انتشار الدروس الخصوصية بتصميمه ان ابنه ياخد دروس فى كل المواد. الموضوع ثقافة شعبية استهلاكية وتقليد وجشع من كتير من المدرسين وغياب قوى للضمير لدى قطاع كبير من المدرسين فى اداء عمله داخل الفصل
يمكن جزء كبير من المشكلة يتحل عند اعادة النظر بشكل جدى فى اجور المعلمين
تحياتى ..