اقتباس:
كلامك يا نانا جميل وياريت تكتبيه فى موضوع مستقل كرسالة من طالبة للمعلمين اظن هتلاقى صدى واسع وايجابى عند معظم الزملاء المدرسين. وموضوع الدروس الخصوصية موضوع كبير ومتشعب ومحتاج وقت عشان يتحل لكن اللى بيدفع المدرس انه يدى درس خصوصى هو العامل المادى بالاساس وعن نفسى معنديش مانع ومش شايف مشكلة ان مدرس يدى درس خصوصى (طالما) شايف شغله فى الفصل وبيراعى ضميره بكل اخلاص ومش بيتاخر عن طلابه فى اى سؤال، غير كدة يبقى بياكل حرام
وبرضه ارجع واقول ان ولى الامر له دور كبير فى انتشار الدروس الخصوصية بتصميمه ان ابنه ياخد دروس فى كل المواد. الموضوع ثقافة شعبية استهلاكية وتقليد وجشع من كتير من المدرسين وغياب قوى للضمير لدى قطاع كبير من المدرسين فى اداء عمله داخل الفصل
يمكن جزء كبير من المشكلة يتحل عند اعادة النظر بشكل جدى فى اجور المعلمين
تحياتى ..
|
هحاول الم الموضوع كده والكلام من الطلبة التانين واعمل موضوع ان شاء الله
فعلا المشكلة فى الاساتذة اللى مش بتراعى ضميرها للاسف
مع حضرتك فى كل كلمة
هوا فى فكرة بس من وجهة نظرى كطالبة شايفة ان احنا محتاجينها
والفكرة
هيا ان حضراتكم اساتذتنا تعملوا مشروع مركز تعليمى للدروس الخصوصية
بس تلأى بتساعد الطالب المحتاج فعلا
انا هنا فى محافظتى تلت مراكز اتعملوا فى سنة واحدة وبيوزعولنا ورق وبينشروه فى كل حتة
ما شاء الله الحجز عليهم كبير جدا وناجح جدا دلوقت المركز ده
اللى محتاجينه
الشقة اللى هيبأى فيها الدروس
سكرتير او اى حد ينوب يبأى معاه موبيل المركز والدعاية
بس اللى حببنا فى المراكز اللى هنا ان المجموعة يجب ان لا تزيد عن عشرة عشان الطالب يفهم
وبتبأى مدرسة بعد المدرسة
يعنى فى امتحانات تجريبية زى لجنة الامتحان بالظبط
وجوايز
وبيعلقوا اسامى الاوائل على المركز من برة
وابتدائى بيعلقوا صورهم وبيبقوا مبسوطين جدا
والسعر بتاعها رمزى جدا وده بيساعد الطلبة الغلابة اللى مش معاهم خمسين جنيه وغيره عشان كل حصة
وبيعملوا ساعات رحلات
وفى بروجوكتر بيعرضوا فيه اسطوانات تعليمية
وغيره وغيره وكلها حاجات بسيطة لو دققنا
فى المركز اللى عندنا معظم اصحابى بياخدوا عند وانا كنت باخد فيه السنة اللى فاتت
وبيعملوا فى حاجات تانى يعنى فى لوحات كمبيوتر وصيانة يعنى كذا حاجة مش دروس خصوصية بس
لوحات الكمبيوتر تصميمها سهل جدا والطلبة بيقبلوا عليها عشان يعلقوها فى المدرسة اللوحة على الاقل ب50 جنيه الفصل بتاعى بس اشترى من المركز ده ب400 جنيه فى شهر واحد طمدرستنا بس فيها فى كل مرحلة 13 فصل وجمبنا عشرين مدرسة تانى
بس التجديد هوا اهم حاجة والتعامل مع الطالب ومتابعته وطبعا توصيل الدرجات لولى االامر ومنع الغش والفهم مش الحفظ والحاجات اللى بتجذب الطلبة كتير
وبرده منكن يكون فى مكان للصلاة لأن فى طلبة مبتروحش عند مدرسين عشان الصلاة متفتوهمش فخدوا اجرهم واعملوا وقت ربع ساعة او عشر دقايق للصلاة
وطبعا يااااااااااريت الفصل بين الاولاد والبنات حتى لو ابتدائى مش عرفة اللى بيعمل كده بيعمل كده ليه
يباى المستر بيشرح ودول بيتريقوا ويتخانقوا وفى الاخر هيسيبوا الحصة عشان ميشوفوش بعض
وفى طلبة كل ما يروحوا عند مدرس يحسسهم ان مفيش امل فيهم فى ناس كتير كده منكن وبيضطروا ياخدو فى البيت درس اللو حديهم لان اى مجموعة بيحسوا كأنهم مش فاهمين حاجة وومش موجدين فيها
فنترجاكم بلاش تمييز بين الطلبة وبلاش اضطهاد الطلبة المنتقبات او التفريق بين المسيحين والمسلمين احنا اخوات وفى مدراس واحدة فبلاش تفرقونا واحنا عمرنا ما حسينا ان ديننا مختلف او الدخول فى مواضيع سياسية بتاتا
لو عجبت حضرتكم الفكرة منكن اجيبلكم معلومات اكتر عن الحاجات اللى منكن تجذبنا فى مركز كطلبة
شكلى زودتها شوية وطولت اوى اسفة
وربنا يوفقنا ويوفقكم لما يحبه ويرضاه