[lally adel]

المشاركة الأصلية كتبت بواسطة drako7

طيب انا بقا عندي حاجه عايز رائيك فيها
مدرس الكمياء بتاعي
انا بفهم منه ومستريح وكل حاجه وللأمانة هو ممتاذ
بيحل كل حاجه في كتاب المدرسه حتي الامثله المحلوله بيجبها يحلها معانا
ومذكرتة كل اسئلة كتاب المدرسة فيها ... + شوية من بره
بس اهم حاجه عندة كتاب المدرسة
انا كنت معلم علي كام مسألة كده في كتاب الامتحان اختياري
قالي كتاب الامتحان مزود في النظري اوي مع ان الفصل مفيهوش نظري
علشان كده هو خارج بره كتير
وجاوبنيش علي النقطتين الي معلم عليهم
انا بقا قولت مش مشكلة هبقي اجيبهم من اي حد هنا النقطتين دول
بس هو بيلتزم جامد بكتاب المدرسة بيقولنا
اي سؤال بيجي في الامتحان بيكون من كتاب المدرسة وفي نموذج الاجابة بيقول الصفحه رقم كام والسطر الكام من كتاب المدرسة
وبيقولنا حلوا الامتحان بردو من باب التدريب مش اكتر
رائيك ايه بقا ؟

بص هقولك على حاجة ..
انا فاكرة فعلا ان كتاب الامتحان ف الفصل السادس ف اسئلة الاختيارى كان فعلا مزود حاجات من عنده و مهبل الدنيا اووووووى ..
انا فاكرة كان فى اسئلة يجيبلك ف الاختيارات بتاعتهاا " قلوى ضعيف و لا قلوى قوى و لا قلوى مش عارف ايه " .. لما سالت مدرسي وقتها برضه قالى ده هبل ..
انت هتقيم مدرسك انه كويس و لا لا على اساس ايه ؟؟ .. اول حاجة انت بتفهم منه كوووويس اوووى و بتبقى مستوعب كل نقطة .. تانى حاجة يكون ماشي برتم كويس ف المنهج .. يعنى لا مستعجل اووووى و بيكروت حتت .. و لا بطئ جدااااا و ممل و يومه بسنة .. تالت حاجة يكون ملتزم بكتاب المدرسة جداا و بيخليكو انتو كمان ملتزمين بيه .. رابع حاجة يكون بيتابع بشكل مستمر و مركز معاكو .. مش سايب اللى يذاكر يذاكر و اللى مايذاكرش مايذاكرش .. و يتابع كمان اللى انتو بتحلوه و يشوفه بشكل مستمر ..

لو الكلام ده كله متوفر ف مدرسك يبقى خلااااااص .. اتوكل على الله و كمل معاه و اى نقص ف اى جانب تانى غير دول مقدور عليه .. يعنى مثلا الاسئلة دى لو مجاوبهاش ممكن تسال مدرس تانى .. سواء هنا ف المنتدى او من مدرستك لما الدراسة تبدا او اى حاجة .. اى نقص تانى ممكن انت تكمله من عندك مدام انت متاكد ان الاساسيات اللى قلنا عليها دى موجودة ..

ربنا يوفقك