[aleman]

المشاركة الأصلية كتبت بواسطة nana_kh

هيا حكايتى طويلة جدا من الاحلام لانى ساعات بتنبأ بالحاجات وبحلم بالجن والجو ده كتير
هقول بعض من الحلامى وياريت حضرتك تشوفى الصلة ببعضهم ولو عايزة اى معلومات او حاجة منكن ابعتها لحضرتك على الخاص
انا كنت ساكنة فى بيت وكنت احسبه هوا السبب فى الاحلام
بس نقلنا فى شقة فى مدينة تانى خالص وهيا هيا الاحلام
وكنت احسب السبب افلام رعب او كده بس بطلت خالص وبرده بحلم هيا كل احلامى النظام ده بس طبعا طويلة جدا فهحكى كام واحد بس وفى احلام فسرتها من كتب بس كان معناها حسد وغيره
بس الاحلام دى تقريبا بحلمها من 6 سنين او 7



ده حلم حلمته يوم 11 تمانية 2013 وكنت شبه نايمة يعنى حلمته فى وقت قياسى شوية
حلمت ان كان عندى درس عربى وبصيت من شباك المنور الموجود فى اوضة الدرس حسيت ان فى جن بيطلع منه فمسك ايدى بقوة وحسيت بايدى لما صحيت وقلت اول ايات من سورة البقرة عشان يمشى ورغم اننا حافظة السورة كلها فى الحقيقة فى الحلم افتكرت اول ايات بس وبدات سورة يس وانا كنت لسه حفظاها قريب برده نسيتها او قلت ايات الاولى ونسيت الباقى تقريبا قلت اول تلت ايات كده وبعدين طلعت على سطح بيت المس ولقيت اختى وصحبتها فوق قلتلها بيت المس ده مسكون والهوا كان حلو واحنا ماشيين على السطوح وكان فى حفرة فى السطوح او نفق كده اللى هوا بتاع المنور وكان على جانبي النفق ماسورتين
فصااحبة اختى قعدت على وحدة منهم رغم ان الماسورة دى تحتها المنور المسكون فانا استغربت منها وقلت اقلدها فبصيت تحتى لقيت المنور اسود فى اسود فخفت ومشيت ورحت البيت وكان البيت يشبه الصالة بتاعة بيتنا القديم كنت قاعدة على كنبة بيتنا القديم وادامى باب الشقة الجديدة بتاعتنا واختى واقفة على الباب اللى كانت معايا ع السطح واختى التانية جمبى على الكنبة وانا قاعدة بقول نفسى فى قطة فلقيت قطة بيضة بتبصلى من ورا الباب فاختى فتحت الباب راحت دخلت قطتين لونهم اسود وتقيأوا فى المنزل واختى قفلت الباب بعدهم وسابت القطة البيضة برة وانا كنت هعيط عليها
فحسيت انا واختى التانية اللى على الكنبة ان فى حاجة تحت الكنبة بتهتز من الاول وهيا كانت بتهتز من اول ما قعدت عليها بس مرضتش اقول لاخواتى وحسيت فى قلبى ان ده خنزير وفعلا طلع من تحت الكنبة خنزير اسود جدا
ورغم انه طلع من تحت الكنبة حسيت برده ان فى حركة تحت الكنبة بس اخف شوية
وفجأة تحول الخنزير الى انسان اسود ومنظره مقزز جدا وحوالين راسه تعابين والقطتين السود جم جمبه وبقا حوالين راسهم تعابين برده وبعدين بقينا نعامل الراجل ده كضيف مكرم وانا بقول فى نفسى ازاى نعامله كده وبعدين جوز اختى خبط فقلتله عندنا ضيف اوعى تتريق على شكله عشان ميزعلش وانا فى بالى مش عرفة ازاى كده لما صحيت من النوم لقيت علامات على ايدى ناحية الكوع كده حمرة بس ماما قالتلى يمكن حسيتى بكده وانتى نايمة فحكيتى فى ايدك وكده
بالعلم انى بكره اليهود جدا جدا وبعمل حاجات ضدهم زى المقاطعة وضد الفيس وبقرا كتب كتير ضدهم فلما قريت كتب فى تفسير احلام لقيت ان الخنزير معناه يهود


حلم تانى على السريع عشان طولت جامد
الحلم ده بقا حلمته بعد ما نقلنا فى الشقة الجديدة باسبوعين
حلمت ان انا واختى واقفين امام البيت القديم وراكنين جمبينا شنط مليئة بازايز مياه فسرق منا الشنط تلت حرامية فمسكت واحد منهم من لياقة قميصه يعنى عادى لو هرب بس كانىه مش قادر يفلت خالص فاختى نادت احد من جيراننا السيئين فججه واحد مش من جيراننا بس كانه كان من جيراننا فى الحلم وانا معرفوش فى الحقيقة وكان لابس تيشرت ابيض واسع وماسك سكينة عشان يضرب الحرامى ويدافع عنا فالحرامى *** اللى جه ساعدنا وبعدين كاننا فى جنازته الواحد الى ساعدنا ومفيش حد اعرفه فى الجنازة او عرفاهم بس شكل بس وكنت امام المنامة وكان عليها قماشة لا اله الا الله محمدا رسول الله فالشيخ قالى تقدرى تحتسبيه اخ ليكى فانا قلت اكيد بس مش من قلبى عشان الناس بس والناس حواليا بيضحكوا وانا مضايقة عشان مفروض ميضحكوش فالشيخ قال ده كان فى قلبو حب طاهر وقرا اية من سورة البقرة وقالولى ساعدينا فى شيله بس انا خفت وكنت عيزة امشى باى طريقة لانى خيفة من الجنازة وبعدين طلعوه من المنامة وشالوه وهو فى الكفن عشان يدفنوه والحلم خلص على كده صحيت على الفجر على ما اتذكر

برده انهردا حلمت بست حستها ميتة معرفهاش زى بتوع الغجر وصورتها بتكرر ادامى وصحيت خايفة وصحيت اختى وحلمت قبل كده ان الست دى ميتة ادام باب شقتنا ولقيتها متعفنة كده الجثة وببص ورايا لقيتها حية وجريت ورايا وانا بقرا قران ونسيت باقى الحلم دلوقت للاسف

تفسيرى المتواضع والله اعلم:
بصى ياقمر
لاتقلقى عليكى قبل ماتنامى نامى على وضوء وقراءة قران حاولى ذلك وانتظمى بالصلاة اكثر بالخشوع
ولاتقلقى من احلامك ولاتجعليها تقلقك
ولو فى اى شئ راسلينى هنا او علخاص زى ماتحبى