اولا
احب اشكرك ع الموضوع لانه مهم و مش سطحى
ثانيا
اقتباس:
|
أيهما اكثر تأثرا بالسمعة السيئة الشاب أ م الفتاة
|
اكيد طبعا البنت ..الولد بيعمل اللى هو عايزه و مهما غلط بيتفاخر بغلطه اما البنت ممكن تكون مش عملت اى حاجة تستاهل و تلاقى الناس كلها بتتكلم عليها و طلعت عليها سمعة من لا شىء
اقتباس:
|
في طرح هذا الموضوع نحاول أن نعرف رأي الشباب من الجنسين لنرى هل تغيرت النظرة حول هذة القضية لدى الجيل الجديد أم انها لاتزال نظرة ذات مكيالين ؟؟؟
|
هى ممكن تكون اتغيرت عند بعض الناس بس فى ناس لسة متأثرين بالنظرة القديمة...يعنى على حسب مجتمع كل واحد و طريقة تربيته
اقتباس:
|
أيضا هناك فرق في الحكم فأذا خان الرجل زوجته قالوا له عيب عليك لاتكررها . ولاكن اذا خانت الحرمه زوجها فقد اقام عليها الحد ويجب ان تاخذ جزائها وهو الرجم حتى الموت والعياذ بالله .....
|
اولا الخيانة الزوجية دى حاجة ربنا محرمها لكلا الجنسين بس المرأة بتكون اثمة اكتر من الرجل ...المجتمع بأى خدها على انها حرام للمرأة و حلال للرجل
ثالثا
اقتباس:
|
هل الرجل يرى ان حقه مسلوب ....!!!
|
هو فين حقه المسلوب دا ان شاء الله
اقتباس:
|
هل المراه ترى ان حقها مسلوب .....!!!
|
بالنسبة لى انا لأ لانى شايفة ان انا واخدة حقى زى اى ولد و اكتر بس اكيد فى اختلافات بسيطة مش مؤثرة يعنى
اقتباس:
|
مارايكم بتوظيف المراه في المناصب العاليه .....!!!
|
اكيد طبعا المرأة المتعلمة لازم تاخد حقها زى اى رجل لانها متعبتش عشان فى الاخر تعد فى البيت يعنى المرأة ممكن تشتغل اى حاجة من اول موظفة لحد رئيسة وزراء طالما ان عندها القدرة على كدة بس مش توصل لرئيسة جمهورية لان الرسول صلى الله عليه و سلم قال (لعن الله قوم أمتهم امرأة) مش عارفة ليه بس بدام الرسول قال كدة يبقى اكيد لحاجة احنا مش واخدين بالنا منها
اقتباس:
|
مارايكم بالرجل الذي يقوم بواجبات البيت مثل التربيه والتنظيف وغيرها ..!!
|
لو قاعد فى البيت مش بيشتغل او بيعمل حاجة يبقى طبعا مش راجل و زى قلته بس لو نوع من المساعدة ليه لأ ؟؟ هو عيب ان الواحد يساعد مراته و بعدين لو مراته بتشتغل يبقى من حقها انه يساعدها
اقتباس:
|
ايتها المراه ماهي الحريه بمنظروك الشخصي .....!!!!
|
الحرية هى القدرة على فعل اى شىء و كل شىء و التمتع بكافة الصلاحيات التى يتمتع بها الرجل مثل الحقوق السياسية و شغل المناصب العليا طبعا فى حدود الاخلاق و الاداب العامة و الدين لان قبل كل شىء الله لم يخلق المرأة كالرجل
اقتباس:
|
ايهتا المراه كيف تحبين ان يكون الرجل بالنسبه لكي .....!!!
|
هى كلمة واحدة بس تندرج تحتها كل المعانى...ان يكون
رجلا
بما فى ذلك من التدين و معرفة الله و مراعاته فى كافة معاملاته
الجادية فى الحياة و الطموح
تحمل المسؤلية
الانفتاح على العالم الخارجى و تقبل التطورات و المبادىء الجديدة و ليس منغلقا
الشجاعة
القوة
و معاها الطيبة و الحنان
و شوية خفة دم بأى و تهور عشان يبقى كدة مظبوط 
رابعا
اشكرك على الموضوع الرائع و اسفة على الاطالة و يا ريت نعرف رأيك
تقبل مرورى
فى أمان الله