[شريف الهادى]

المشاركة الأصلية كتبت بواسطة Militant

المنطق يفرض ان يكون المعلم صاحب أعلى أجر لانه من يبنى ويعلم وينشّى الخصال والأخلاق الحميدة وينشط الاذهان ويُعملها ..

يعنى بالبلدى لما بنتفق مع صنايعى مثلا عشان يشطب شقة سباكة او كهربا او نقاشة بنفضل ندلعه ونحايل فيه وشاى واكل وسجاير والله ينور يا باشمهندس وهو اصلا معهوش دبلوم، ونديله فوق نفحته نفحة تانية ليه؟ اكيد عشان يشتغل صح (ولأن شغله كله تاسيس على المدى الطويل) ودى فى الاخر شقة، فما بالك بالمعلم اللى بيأسس بشر اللى هما العنصر الاساسى والوحدة الاساسية للدولة؟؟

الكلام ده طبعا ده لو فى منطق
لكن احنا عايشين فى بلد الدكتور عبده موتة والعالمة الهام شاهين
وبالتالى فان البحث عن المنطق هو ضرب من الجنون

حضرتك قولت اللى فى نفوسنا جميعا بالأضافه للضغط العصبى اللى بنتعرض ليه سواء من معاملة اولياء الأمور معانا فى المدارس او اخلاقيات طلبة الجيل الحالى اللى تدهورت من افلام عبده موته وامثاله وربنا يعينا ويقوينا على ما نحن فيه