[السيد درويش]

قابلتة على القهوة
جلسنا معا قال لى اخبارك؟
قلتلة تمام
ثم جاء القهوجى وقال تشربو اية يا معلمين؟
قلنالة 2 شاى خمسينة وحجر معسل سلوم
قال تأمروني وجاب الطلبات ومشى سألت صديقى مالك مهموم يا شقيق ؟
قالى حال البلد واقف ومفيش سياحة وانتا عارفنى شغل فى الغردقة الاخوان خربو البلد وراحو يا جدع شوية خرفان صحيح قلتلة عندك حق
المهم سألتة اخبار امك اية؟
قالى حلوة بس الانسولين غالى قلتلة كام يعنى قالى ذاد الربع قلتلة معلهش دا امتى دا قالى من شهرين قلتلة بعد مرسى قالى اة قلتلة ربنا يعوض عليك
قلتلة التموين جالكو الشهر دا ؟
قالى اة نصة مش كامل والزيت جاى فى كيس زى العدس قلتلة معلش لازم نستحمل الفريق السيسى دا راجل مناضل قالى اة عندك حق
قلتلة انتو جيبتو جاز للارض بتاعتكو عشان الرى ؟
قالى اة الصفيحة ذادت 20 جنية قلتلة قبل ولا بعد مرسى قالى بعدة قلتلة معلش لازم نتحمل الفريق السيسى دا راجل مناضل قالى اة لازم
قلتلة اللحمة بقت بكام ؟
قالى ذادت 10 جنية قلتلة من امتى قالى من رمضان قلتلة معلش لازم نستحمل الفريق السيسى دا راجل مناضل قالى اة لازم
قلتلة ابوك قبض الراتب قالى فضل 3 ايام يروح البنك لحد مايقبض قلتلة وقبل كدا قالى كان فى نصف ساعة بيقبض قلتلة معلش لازم نتحمل الفريق السيسى دا راجل مناضل قالى اة لازم
قلتلة انا سمعت ان البطاطس بقت بنفس تمن المنجا ؟
قالى اة والبصل كمان قلتلة لازم نتحمل الفريق السيسى دا راجل مناضل قالى اة لازم قلتلة انا سمعت ان الشيخ محمد امن الدولة اخدة مع انة محترم ومش اخوان؟
قالى دا راجل تمام وكان بيجمع تبرعات للبلد قلتلة اة بس لازم نصبر على الفريق السيسى دا راجل تمام قالى لازم قلتلة
امال مين الى مات الاسبوع الى فات فى الحارة ؟
قالى دا محمود ابن الشيخ ايمن مات فى رابعة قلتلة محمود قالى اة قلتلة دا واد جدع اوى وابن حلال قالى يلا دا شهيد قلتلة امال السيسى بيقول ارهاب لية قالى تصدق السيسى دا ابن ؤسخة احنا اية الى مصبرنا علية كل دا تصدق احنا الى خرفان مش الاخوان قلتلة اة المهم شربنا الشاى ومشينا من غير مندفع الحساب والاجر والثواب عند الله