اقتباس:
المشاركة الأصلية كتبت بواسطة The Mysterious Adventurer(TMA)
السلام عليكم ورحمة الله و بركاته:-
بسم الله الرحمن الرحيم:-
انا طالب لسه فى أولى علاج طبيعى وفى معلومات فى فترة الأجازة فالنسبة للأقسام هتلاقى هنا فى المنتدى أقسام العلاج الطبيعى ما عدا قسمى العلوم الأساسية و الميكانيكا الحيوية على ما اظن ان موادهم نزلت على باقى السنوات يعنى اتبقى 6 اقسام و دا فى جامعة القاهرة.
و بالنسبة للدراسة العلاج الطبيعى بقى 5 سنين دراسة و سنة تكليف.
و انا لفضله عن الأسنان لكذا سبب أولا طبعا عدده أقل انا لما شفت السنة دى كان عدد الى داخلين فى الجامعات الحكومية 75 بنى سويف و 179 كفر الشيخ و 420 القاهرة يعنى حوالى 674 ب كمان 3 جامعات خاصة يعنى قول 1000 الى 1000 و شوية اقصى حد يعنى غيلا كدا ان اللعلاج الطبيعى اكتر من تخصص تقدر تختار بينهم يعنى لو معجبكشى واحد تاخد التانى و دا كمان يزود فرص الشغل ان العدد الى خارج دا هيتقسم على 6 تخصصات انما الاسنان العدد اكبر و مجالها واحد يعنى حتى لو محبتشى المجال خلاص و كمان كل العدد الى خارج هيبقى فى مجال واحد و بالتالى فرص أقل.
غير كدا ان العلاج الطبيعى بيعالج امراض لا يمكن علاجها بالعلاج و انا سألت واحد قريبى عايش فى انجلترا قالى ان العلاج الطبيعى فى دول أوروبا هو المجال الأول.
فى كمان ممكن تعمل بحث فى جوجل عن اتحاد طلاب العلاج الطبيعى جامعة القاهرة و هتعرف فيه حاجات كتير عن الكلية و من المواد الى بيدرسها كيمياء و فيزياء و ميكانيكا حيوية و علم نفس و حاجات تانية كتير.
و انا قريت هنا ان فى شهادة اسمها dpt و دى بتقدر تخلى دكتور العلاج الطبيعى يشخص كمان يعنى يشخص و يعالج.
و كمان اى دكتور بشرى او اسنان او كدا لازم بيعمل حاجة اسمها معادلة بياخدها تقريبا فى سنتين عشان يعادل الطبيب الى برا انما العلاج الطبيعى لأ لأنه فى مصر كويس و مش بتحتاج لمعادلة.
انا نفسى كنت عايز معلومات عن الكلية ففضلت ابحث عنها كتيييييير و اسأل.
بس انت لسه طالب و محدش يعلم ايه الى فى علم الغيب و هل اسنان هتاحد اعلى من العلاج الطبيعى و لا العكس فى سنتك و الله اعلم انت ممكن تجيب ايه بس نصيحة كل سة و لها ظروفها ممكن تكون انت الأول على دفعتك و تيجى بعد كدا ربنا ميوفأكشى بس كن على يقين ديما بالمقولة دى و الله هترتاح.
احيانا يمنع الله عنك ما تريد ليمنحك ما تحتاج فاذا جرت الأمور وفقا لرغبتك فانت محظوظ و اذا لم تكن كذلك فانت اكثر حظا لأنها تجرى وفقا لمشيئة الله فالقناعة ان تبذل المجهود و ترضى بالموجود يعنى ابذل جهدك و الى يجيبه ربنا كويس و اكيد فيه خير و خلى بالك ان الثانوى دا بداية طريق بس ش النهاية و آسف على التطويل و اتمنى اكون فدتك بحاجة و شكرا.
|
وعليكم السلام ورحمة الله وبركاته
انا بشكرك جدا جدا على تعاونك معايا وتزويدي بالمعلومات دي
انا بس حابة اعرف كل حاجة عن علاج طبيعي لاني تقريبا عارفة كل حاجة عن اسنان وانا راضية بأي حاجة فيهم لاني حابة المجالين الحمد لله وهعمل كل اللي عليا ويارب احقق اللي بتمناه
دلوقتي حضرتك بتقول العلاج الطبيعيى بقى ست سنين انا اعتقد ان الكلام دا لسة مش اكيد لانه كان خبر من كام شهر وحدش اتكلم عنه بعد كدا وانا متابعه اخبار جامعه 6 اكتوبر ومتكلموش عنه خالص وطبعا انا اتمنى ان يكون فيه السنة بتاعت ال Dpt في مصر لان ليها مميزات كتير وانا قريت عنها
ثانيا قريت خبر من سنة ان اخصائي العلاج الطبيعي اللي مش معاه Dpt هتتسحب منه رخصة العيادة او المركز بحلول سنة 2020 المقصود بالكلام دا لو ال Dpt في مصر اصلا ولا لازم يكون الدكتور واخدها من اي حتة انشالله من امريكا نفسها ؟
بالنسبة لدكتور التخسيس والرشاقة والجمال ومشاكل الشعر والبشرة والكلام دا بيختار قسم ميكانيكا حيوية ؟ ولا قسم ايه ؟
طيب لو الدكتور مثلا متخرج من زمان وعامل ماجستير ودكتوراة وفاتح عيادته (من غير مايكون معاه الDpt بس معاه االاعلى منها اللي هي الدكتوراه ودا على حد علمي لان ال Dpt ما بين الماجستير والدكتوراة ) طيب لو زي مابيقولوا كدا معاه كل الحجات دي ومش واخد Dpt بردو هتتسحب رخصته بحلول 2020 انا بسال السؤال دا لان ليا انتيمتي متخرجة السنة دي ومش هيطبق عليها موضوع الدي بي تي سواء اتطبق السنة دي او متطبقش المهم انها اتخرجت يعني .
طيب صحيح ان تكليف علاج طبيعي مفيش فالاقاليم ؟ يعني اللي يتوظف بيبقى في القاهرة واسكندرية فقط ولا انا معلوماتي غلط ؟
انا اسفة ان اسالتي كتير جدا بس دا اللي فكراه دلوقتي لو حضرتك عندك استعداد ترد وتريحني ياريت واسفة جدا على الاطالة وبشكرك مرة تانية