لا النظام اللى فات عمل انجازات فعلية ملموسة ولا الحالى عمل حاجة لسه من ناحية الانجازات المتعلقة بالتعليم ( النظام السابق والحالى اعتمدو خطة توزيع التابلت فى الاماكن النائية وانا من وجهة نظرى الشخصية ده افشل قرار ممكن يتاخد ...المناطق النائية دى عاوز رعاية صحية ومادية مش تابلت ايها السادة الوزراء )
( يمكن انا كمدرس انجليزى بعانى لحد دلوقتى من قرار ابراهيم غنيم فى النظام السابق بتغيير مناهج اللغة الانجليزية عشان عملنا ازمة شديدة مدرسين وموجهين ...واحد غير سلسلة مناهج بالكامل بدون اى تدرج من سنة لسنة وفعلا النتائج ظهرت دلوقتى)
من ناحية الماديات (النظام السابق وعد ب 50% فى شهر اكتوبر 2012 و 50% فى شهر يناير 2013
اخدنا ال 50% الاولى وضحك علينا الريس المعزول فى التانية بحجة عدم توافر التمويل المالى)
(النظام الحالى مازال مستمر فى اعطاء ال 50% )
النظام الحالى عمل ال حد الادنى للاجور 1200 الفكرة بقى مش عاوز ادخل فى مهاترات هو 1200 ع الشامل ولا الاساسى بكرة نعرف فى شهر يناير 2014 بس الحاجة اللى تستدعى الاحترام ان النظام الحالى طلع قرار انما اللى سبقه مطلعش قرار
الفكرة ان النظام السابق حكم لمدة سنة كاملة كان معاه كافة الصلاحيات
النظام الحالى بقاله 3 شهور
ومن وجهة نظرى انا شايف ان النظام الحالى او بمعنى اصح الحكومة الحالية مع التحفظ على بعد سقطاتها بس افضل كتير من اللى سبقتها ويا رب يحفظ مصر ودايما للامام
|