اقتباس:
المشاركة الأصلية كتبت بواسطة nourhan_nono
يا جماعة انا محتااااااارة جدااااااااااا
انا سألت على مدرس كويس فى العربى
و اصحابى قالولى عليه و الصراحة كل اللى خد معاه شكر فيه جداااااا
و الاوائل بياخده معاه و كل اللى بياخد معاه بيقفل مادته
او بينقص حاجة بسيطة و هو كويس جداااااااا فى النحو و البلاغة
و انهاردة كان الحصة الاولى ليه كانت الساعة 7 و كانت فى سينتر
و عقبال اما روحت البيت كانت الساعة 9 و بعيد عن البيت بشوية
انا بخودها ماشى ربع ساعة كدة
و انا على فكرة فترة الظهر
و بجى من المدرسة الساعة 5 قولت مش مهم
و يدوبك استريحت و نزلت المهم المدرس شرحه حلو جدااااا
فوق الوصف و رجعلنا على كل النحو القديم و فهمت منه
بس لقيته بيقول انه الحصة الجاية هيسأل شفوى و تحريرى
هيسأل شفوى فى كل اللى قاله على الصبورة و يعملنا ورقة كبيرة فيها قطعة نحووو
بس اللى مش هيجاوب معاه او ينقص كثير فى الامتحان هينضرب
و قال انه هيضربه مرتين بس و الحصة ال 3 هيمشيه عى طول
انا بقى الحكاية دى تعبه نفسيتى اوى من ساعة ماجيت
و الحصة بيكون فيها ولاد هما محترمين و مشفتيش منهم حاجة وحشة
و كل حاجة بس انا بتكسف اوى
و حساه انى مخنوقة اووووووى
و ممكن يجرلى حاجة لو انضرب قدام ولد او لو قالى متجيش تانى
و بيشرح على الصبورة و لازم نكتب وراه الشرح علشان قال انه هيسألنا فيه الحصة الجاية
و المشكلة انه مش بيسيب وقت علشان نكتب طبعا و فى حاجات كتبتها و حاجات لا
و حاسة انى مش هينفع انتباه للشرح و الكتابة فى نفس الوقت
انا ممكن انقل اللى ماكتبتوش من زميلتى بكرة
بس انا قولت لماما انى مش هروح تانى
بس حاسة بحاجة جواية بتقولى لا خليكى علشان شرحه حلو
و قال كل حصة هيعمل امتحان نحو و بلاغة
و دول اكتر فرعين انا ضعيفة فيهم اوى
و محتاجة حد بيكون بيهتم بيهم كدة
انا بجد محتارة اوى و مش عارفة اعمل اية
بس انا حساسة اوووووووى و بتصعب عليه نفسى
لمجرد حد يزعقلى كمان مش يضربنى !!!!!
انا مستعدة ازاكر و كل حاجة بس اكيد اى انسان معرض انه فى الاول ممكن يغلط
و انا مش عارفة الامتحان دة هيكون شكله اية بالظبط
|
عادي عادي كملي ومتحطيش في بالك
في الاخر ومع اول درجة امتحان هتقفلية هتنسي كل ده
شيلي من دماغك بقا كل الي انتِ قولتية ده
ياما كنت بقول ان يوم لامتحان الفولاني ده هيبقي صعب ومش هيعدي وكده
وكان بيعدي وبجيب درجة كويسه كمان .. بصي عادي لما تغلطي وعادي لما متغلطيش
المهم اخر السنة يعني كمان 8 شهور كده متغلطيش بقا .. حاولي تغلطي علي قد متقدري دلوقتي
حلي كتير واغلطي كتير .. واعرفي الغلط فين ومش هتغلطي فيه تاني .. وعادي جدا لو مثلا جاوبتي غلط ايه الي هيحصل يعني .؟ كلمتين ؟ عادي عادي
وانا معتقدش انه هيعمل حاجه بدام في صبيان .. أساليني انا
( صبيان بقا ) وكمان سنتر وهيسألكم شفوي ؟ يعني حوالي اتنين تلاتة بالكتير الي هيتسألوا يا ستي ان شاء لو اتسألتي تجاوبي صح عادي يعني مفهاش حاجة
اطمني وبدام بيشرح حلو خلاص كملي معاه
بس حطي في اعتبارك انه مش كل حصة هيدي قطعه النحو والباغه الي قال عليهم
فادربي انتِ عليهم كويس
