[ابانوب ايليا]

المشاركة الأصلية كتبت بواسطة شروق الشمس **

[size="5"]جماعه
عايزه رايكوا فى حاجه ضرورى
دلوقتى انا شغاله مع مدرس انجلش بيشرح كل حاجه حلو الا الجرامر بحسوا بيحفظهولنا وانا مش بعرف اجفظ جرمر ..فى مدرس تانى اعداده كبيره جدا يعنى توصل للميه وكده بس بيشرح جرمر حلو جدا بس مش بيركز على البرجراف ولا الترجمه ولا الاسبيكر ولا اى حاجه بيعد الحصه كلها فى الجرامر بس بيديك من وقت للتانى تراكيب تحفظهم لزم البراجراف وكلمات جديده ..انا كنت باخد مع اللى اعداده كبيره ده فى تانيه ولما لقيته مش بيدى غير الجرمر طلعت لكن السنادى عرفت انو بقى بيدى الاسبيكر والترجمه والحاجات ده
انا مش عارفه اسيب اللى باخد معاه واروحله ولا اخلينى معاه وخلاص
بالله عليكم قولولى رايكم [/size]

خدى عند الاول وده لسببين

السبب الأول : انه بيركز على الجزئيات اللى عليها اكبر كمية درجات فى الامتحان وهى اللغويات لأن الامتحان 80% منه عبارة عن لغويات والجرامر عليهم بالكتير 7 درجات بس مش معنى كده تهملى الجرامر

السبب التانى: الجرامر مفهوش حاجات جديدة السنة دى يعنى مجرد اما تشوفى الدرس حتفتكريه لأن مر عليكى فى السنين اللى فاتت فمش حيحتاج شرح ومش حياخد مجهود عقلى علشان يتفهم

واحنا عندنا مستر بيمشى بالنظام ده وكل اللى بياخد عنده كان بيقفل

وبالتوفيق ان شاء الله