اقتباس:
المشاركة الأصلية كتبت بواسطة eyes_smile
تمام يا شيرى
فعلا يا احمد لازم تكون احمد المسلم علشان تقدر تطبق قواعد الاسلام اللى ربنا امرنا بيها
وهو ده اللى هيعرفك هل انت صح او غلط
لان فعلا نظرة الاجانب للبنت الفيرجن انها معقده نظره خاطئه تماما
حتى لو حسبتها بعقلك من غير اى حاجه هتتاكد انها غلط واكيد فاهمنى طبعا
بس انا نفسى اعرف حاجه يا جماعه
ليه نظرة المجتمع الشرقى للبنت المغتصبه بتبقى قاسيه كده كانها اجرمت
مع انها مش ليها اى ذنب فى اللى حصل لا نقدر نقول عيب ولا حرام
بالعكس عيب وحرام على اللى عمل كده
دول الصعايده تقريبا بيقتلوا البنت المغتصبه ... طيب ليه؟
وليه بيخافوا يبلغوا الحكومه ؟
خايفين من الفضيحه؟
فضيحة ايه بنتكوا حقها بيضيع ... عايزين تكتموا على ايه؟
واللى عمل كده اللى مش عنده قلب ولا ضمير ولا دين ده يروح فين؟
يسيبوه كده ماشى وفرحان ولا حاجه فى دماغه ومطمن ان مفيش حد يبلغ عنه؟
ليه؟ ليه المجتمع الشرقى كده؟
المفروض الناس تفكيرها يبقى اعلى من كده شويه
المفروض يدركوا بقى اللى بيحصل ويقدروه كويس بالحق
انتوا اراءكم هنا كلها عجبتنى من ناحية الموضوع ده
بس اكيد برده فى ناس بترفض
طيب ليه ترفض ؟
البنت دى زيها زى اى بنت معروف انها محترمه وجميله وناجحه واهلها ناس كويسين (وده تعرفه من سؤالك عنها طبعا )
ولما اغتصبت كانت تحت تهديد السلاح يعنى مستحيل يكون بارادتها ( كلامى لاى حد ممكن يرفض)
ليه ممكن مش تبقى واثق فيها؟
الكلام ده على العكس مع البنت التانيه
اللى بتعمل كل حاجه بارداتها
دى مش ممكن تثق فيها...وحتى لو كانت قالت انها تابت
الا فى حاله واحده لو انت كنت فاهمها كويس اوى وطبعا مش هقولك تراقبها يعنى مش معقول من اولها كده
بس على الاقل تحس انها مش كدابه ودى اهم حاجه ومش تحاول تخليها تضحك عليك بكلامها
لكن مش تبقى شويه كده وشويه كده وتقول انا خلاص هتجوزها ولازم تقرر ده قبل ما تحبها اصلا
لانك لو حبتها يبقى ممكن توافق على اى حاجه وهى تزعل وتقولك اللى بيحب بياخد الانسان على عيوبه
وانت طبعا علشان مش تزعلها ممكن تنفذ
وكمان فى حاجه مهمه اوى
لازم تستخير ربنا فى الحالتيييييييييييين
اسفه انى طولت عليكم
بس فعلا الموضوع مهم
وبرده اسفه انى دخلت فيه بما انه مكتوب فى قسم الرجاله
يارب تكونوا فهمتونى
ولو فى حاجه غلط ياريت تنبهونى بيها
شكرا
|
انا متفق معاكى فى كل كلمه
بس حنه انه يكون بارادتها وتابت دى لازم الوقوف عندها شويه ولازم الواحد يفكر كويس ويتاكد انها تابت ومش هترجع بس انا شخصيا مش بحبذ امه يكون باردتها ويوافق على جوازها لان مش هيبئه فى ثقه بينهم
بس انا معاكى فى كل كلمه
وشكرا على الموضوع الهام جدا