thekingboy
أعتذر على التدخل /
أنا كنت بقرأ الموضوع بصمت
اخدت منه اللى يفيدنى والجديد عليا .. والتانى قرأته قراءة عابره
ولكن انا اتفق مع كاتب الموضوع بجانب كبير
انا طالبة 3 ثانوي
اولى وثانية ثانوي كانت عندى زى اى سنة ( انا الحمد لله دايما من الاوائل )
ولكن بحكم ان انتقلت لمدرسة تانية وقابلت ناس تانية اشكال والوان
اتغيرت نظرتى
فعلا لقيت مجموعة " الدحاحين "
فعلا شلة مع بعض ~تعمل على احباط بعضهم البعض~ .. الا من رحم ربي اتنين او تلاتة بالكتير منهم اللى بيحسسوك انهم ناس عادية ويكلموك عادي ولا اكنكو اصحاب .. حتى لو متعرفوش بعض
فحتت الشخصية دى
انا الحمد لله خلتهم يعرفونى غصب عنهم .. لانى كنت شاطرة
معظمهم راح علمي علوم
بس انا قررت اخش رياضة
قابلت واحدة منهم بعد لما قدمت علمي رياضة
وكان الحوار " ايه يابنتى ازاى تدخلي رياضة .. دى تقيلة جدا وامتحاناتها بتجي صعبة ... الخ "
مش هقولك ان الكلام ده مأثرش فيا ..لا أثر !
وحسيت بشوية رهبة من " الثانوية العامة "
مش رهبة يعنى .. شوية احباط
ماعلينا من الكلام ده
اذا كان لديك نصائح تفيد الناس فمرحبا بك
لان اللى داخل الموضوع هنا مش داخل عشان يبقى عامل او مدرس او .... الخ
مع احترامي الكامل لهذه المهن
وإن لم يكن إذن " فليقل خيرا او ليصمت "
انا والحمد لله هدفي الأساسي كلية الهندسة ( والحمد لله انا من الاوائل على مدار السنين اللى فاتت )
ومع ذلك !!! معرفش هوصلها ولا لأ! بس املى فى ربنا كبير
انا مش معتمدة كل الاعتماد على كلية الهندسة
انا حاطة قدامي خيارات تانية
يعنى انا مثلا بحب الفوتشوب والتصميم وتصميم المواقع والكسب عن طريق النت ( بالفعل كنت بمارس الحجات دى فى الاجازة )
يعنى لو ربنا ما أردش ومخشتش هندسة هشوف نفسي فى حجات تانية
وحتت الموضوع منقول ولا لا .. لاتهم اى من قارئى الموضوع طالما فيها افادة
واحب اقول لكل اللى بيقرأو الموضوع
مفيش حاجة اسمها شبح او رعب الثانوية العامة
احنا هنعمل اللى علينا هنذاكر ( مع الكتب اللى ترتاح معاها وتحس ان هيا فعلا بتفّهمك بجد ) وفى الوقت اللى هنرتاح فيها
هيا سنة محتاجة مجهود شوية !!!
ومش هناخد بكلام الناس المحبط ده .. " مفيش حد احسن من حد "
تحياتى وتقديري لحضرتك ولصآحب الموضوع
والسلآآآم /