اقتباس:
المشاركة الأصلية كتبت بواسطة بنت الأزهـر
وعليكم السلام ورحمة الله وبركاته
جزاك الله خيرا
بس حضرتك استعجلت في الطباعة لان منذ بداية العام وهناك إشاعة بإلغاء المنهج العادي في المعاهد النموذجية
على كل قد يفيد حضرتك لاحقا في الدروس أو استخدام الوسائل في المنهج النموذجي
بالتوفيق
وسؤال لو ممكن كم تتكلف ورقة الطباعة؟ وهل هي ملونة أم أبيض وأسود؟
السؤال ليس لي فالحمد لله لدي طابعة بالمنزل ولكن زميلتي محتاسة بالشرح لعدم وجود دليل المعلم وأعطيتها كل شيء على فلاشة ولم تجد وقتا للاطلاع عليها فنصحتها بالطباعة. فهل التكلفة عالية وتكتفي بشراء كتاب خارجي مثلا؟
وجزاكم الله خيرا
|
زميلة حضرتك هتاخد فلاشة تحط عليها دليل المعلم وتروح لاقرب مكتبة فيها جهاز كمبيوتر ومكنة تصوير حديثة وما اكثرهم
دليل المعلم هتلاقيه بصيغة pdf والصفحات ملونة وكل صفحة لوحدها ..خليها تقوله يعملها كل صفحتين فى صفحة ويطبعلها ابيض واسود وهيبقى واضح ان شاء الله
طباعة الورقة اى ورقة بتتكلف نص جنيه بس لو هى هتطبع عدد كبير ممكن يعملهالها بربع جنيه وسعات بيبقى ب 15 قرش .. انا بطبع ب 15 قرش عشان هو مش بيخسر حاجة كأنه بيصور الورق لا اكثر
بالتوفيق