[لافانيا]

المشاركة الأصلية كتبت بواسطة الاستاذة نجلاء علي

تمام حضرتك تتفقي علي وجود فرق بين الغرور و الكبرياء
و أن الغرور صفة مزمومة أما الكبرياء و الثقة بالنفس صفة محمودة
و لكن كيف نتحكم و نسيطر علي أنفسنا كي لا تتحول الثقة بالنفس الي غرور
شكرا لرد حضرتك الرائع[/center]

الثقة بالنفس طبعا محمودة جدا لان الشخص عشان يقدر
يكون واثق فى نفسه بيحتاج لشجاعة التصرف فى اى موقف يقوم به
وبردك يحتاج لتحمل مسئولية افعاله والاتنين دول اهم حاجة لاتخاذ
القرارات الى جانب طبيعة الانسان وتجاربه واستفادته من اللى حواليه
ورجاحة عقله

اما الغرور فهو ثقة خايبة قائمة ع معتقدات الانسان واهوائه وحبه لنفسه
وكتير الاشخاص المغرورين لما يتصرفوا بيتصرفوا غلط بطريقة لا تؤذيهم
وتكشف عنهم ستار الغرور والضعف ودوت بيكون ع حساب اشخاص غيرهم
باختصار المغرور مبيحترمش الا نفسه وفكرة ورأيه وعنده كمال داخلى
فلا ترى عينه الا نفسه فقط ومعظم تصرفاته عشان يلفت النظر

يعنى ببساطة الغرور شعور الشخص بانه كامل ومميز ومش محتاج حد خالص
انما الثقة شعوره بانه قادر ع تحمل المسئولية وتحقيق شئ فى حياته

وطبعا الثقة بالنفس ممكن متتحولش لغرور لما يذكر الانسان نفسه انه
لسه بيتعلم وهيفضل يتعلم من تجارب الحياة وانه دوما صغير قدام بوابة الحياة
وانه مش مميز عن حد باى شئ ولا كامل لان محدش فينا كامل ولما يحاول انه
يحب الناس ويحترمهم ويتقبلهم زى ما هم بطبيعتهم

تحياتى لحضرتك
شكرا ع الموضوع