[ابوعمرة]

المشاركة الأصلية كتبت بواسطة asmaa232

انا عايزة حد يفهمنى حتة كدا فى الفصل العاشر فيزيا بتاع محصلة كثافة الفيض لسلكين

لو عندنا سلكين وفيهم تيارين فى اتجاه واحد قولنا المحصلة عند نقطة بينهم هتكون بالطرح
أما لو عايزين المحصلة عند نقطة خارجهم هتكون بالجمع

يبقى من كدا المحصلة فى الخارج أكبر من المحصلة فى الداخل

وفى نفس الوقت عندنا المسافة خارج السلكين عند النقطة اللى قولنا عليها أكبر من المسافة بين السلكين

ولو هنطبق القانون بتاع B=MI/2#d "" # اللى هى باى ""

يبقى كدا الكثافة بتتناسب عكسى مع المسافة
ودا بكدا مش هينطق على المحصلة

ونفس الكلام على سلكين بيمر فيهم تيارين فى اتجاهين متضادين

حد يفهمنى بقى الموضوع ماشى ازاى

يعجبنى فيكى التفكير الشمال المهم انتى دلوقتى بتتكلمى عن محصلة كثافة الفيض فاهمة يعنى ايه اللى هى b total تمام واللى بتساوى مجموع او فرق كثافتى الفيض b1 , b2 حلو افهم بقى ايه علاقة القانون اللى انتى كتبتيه بالمحصلة ؟ المحصلة بتتوقف على اتجاه التيار فى السكلين اولا فلو ف نفس الاتجاه والنقطة بره هتبقى جمع ولو بالداخل هيبقى طرح والعكس فى الاتجاه المضاد (خدمة منى عشان متنسيش القانون الذهبى ده طول عمرك اسمعى اتنين صحاب ماشيين مع بعض كل يشوفهم من بره يقول عليهم اقوياء (جمع) مع انهم من جوه (طرح) وبعد كده اتنين صحاب ماشيين عكس بعض كل اللى يشوفهم من بره يقول عليهم ضعاف (طرح) مع انهم من جوه (جمع) احفظيه كده ) ده العامل الاول اللى بتتوقف عليه المحصلة والثانى هو ال b1 , b2 بس كده اما كثافة الفيض فى السلك الاول b1 او كثافة الفيض فى السلك الثانى b2 فدول ممكن يتطبق عليهم القانون وفى الحالة ديه المسافة هتتناسب عكسيا مع كثافة الفيض ومن ثم هيتم التاثير ع المحصلة بس هو ده الموضوع لازم تفهمى الفرق بين محصلة كثافة الفيض وكثافة الفيض فى السلك اتمنى تكونى فهمتى