[asmaa232]

المشاركة الأصلية كتبت بواسطة ابوعمرة

يعجبنى فيكى التفكير الشمال المهم انتى دلوقتى بتتكلمى عن محصلة كثافة الفيض فاهمة يعنى ايه اللى هى b total تمام واللى بتساوى مجموع او فرق كثافتى الفيض b1 , b2 حلو افهم بقى ايه علاقة القانون اللى انتى كتبتيه بالمحصلة ؟ المحصلة بتتوقف على اتجاه التيار فى السكلين اولا فلو ف نفس الاتجاه والنقطة بره هتبقى جمع ولو بالداخل هيبقى طرح والعكس فى الاتجاه المضاد (خدمة منى عشان متنسيش القانون الذهبى ده طول عمرك اسمعى اتنين صحاب ماشيين مع بعض كل يشوفهم من بره يقول عليهم اقوياء (جمع) مع انهم من جوه (طرح) وبعد كده اتنين صحاب ماشيين عكس بعض كل اللى يشوفهم من بره يقول عليهم ضعاف (طرح) مع انهم من جوه (جمع) احفظيه كده ) ده العامل الاول اللى بتتوقف عليه المحصلة والثانى هو ال b1 , b2 بس كده اما كثافة الفيض فى السلك الاول b1 او كثافة الفيض فى السلك الثانى b2 فدول ممكن يتطبق عليهم القانون وفى الحالة ديه المسافة هتتناسب عكسيا مع كثافة الفيض ومن ثم هيتم التاثير ع المحصلة بس هو ده الموضوع لازم تفهمى الفرق بين محصلة كثافة الفيض وكثافة الفيض فى السلك اتمنى تكونى فهمتى

أيوة كدا هو دا الكلام
انا كنت فاهمة كدا بس واحدة صاحبتى لخبطتنى جدا يلا ما علينا
ألف شكر

المشاركة الأصلية كتبت بواسطة ابوعمرة

ايه كلام الكفار ده يا حج اتقوا الله واذكروا محاسن موتاكم

هههههههههه جامدة
انا فعلا توهت

المشاركة الأصلية كتبت بواسطة LOuly K.

9 أكتوبر .. أول مشاركه ليا هنا
ومسجله بالذات علشان الجروب ده ..
علشان نفيد بعض إن شاء الله
ونتقابل كلنا في شهر 7 وإحنا دكاتره ومهندسين
بس نعمل اللي علينا والباقي علي ربنا .

عموماً أنا حاسه بـ إحباط علشان أنا مبدأتش أحل في ولا ماده لـ حد الآن
يادوب بذاكر علي الواقف طياري كده زي ما بيقولوا .. الدروس مبهدلاني!
حد هنا زيي ولا أنا لوحدي

ولما قررت أنظم وقتي من بعد العيد إن شاء الله قولت هخلي كل درسين في يوم

وهيبقي عندي فاضي 3 أيام .. وكنت باخد مع مدرس عربي بعييييييييييييد جدا
وكان معاه ناس من أوائل الجمهوريه ، وسيبته علشان المشوار فظيع جدا جدا جدا

وصحابي عمالين يقولوا لي خسرتي كتير دول 80 درجه!
بس الحمد لله . توفير الوقت أفضل ومجهودي ده عليه 90% والـ 10% الباقيين دول بتوع أي مدرس بقي

أنا بس عايزة أسألكم من رأيكم أجيب كام كتاب في الماده ؟ أنا حالياً

معايا فـ العربي الأضواء والإمتحان .
والـ e .. بيت باي بيت وسيربرآيز
والكيميا الإمتحان .. والأحياء الإمتحان .. والفيزيا الإمتحان

ومسيو الفرنساوي قال الكتب دلوقتي معظمها شرح متجيبوش حاجه هنحل ف الآخر!
وكذلك مدرس الجيولوجيا قال متجيبوش كتب كفايه مذكرات الأسئله بتاعتي وكده!

أنا بصراحه مش مرتاحه وكمان عايزة أجيب كتب فـ المواد التانيه ..
وهمــــــــوت علي دليل التقويم ومش عارفه أجيبه منين !

إحم إحم طولت عليكم بس ياريت حد يفيدني ♥ :$

بصى انا جايبة الكتب دى ف كل مادة
عربى أضواء والامتحان والوسام
انجليزى سربرايز وسنيور وذا بست وتوب استيودنت وبت باى بت
فرنساوى برافو وميرسى
احياء الامتحان والنفيس
كيميا مندليف والوسام والامتحان
الفيزيا الامتحان ونيوتن والوسام والمثالى

معظمهم لسا مبداتش فيهم والله