جبتلكم الحلقه التانيه
يارب تعجبكم
وزي ما قلت انا عايزه اقصر عليكو وعليا
عشان بجد حاساكو زهقتوا مين ومن الموضوع
ياللا اسيبكم مع الحلقه
واتمني ميكونش الموضوع ده اللي رابطني بيكم
نفضل اخوات في الله علي طول
الحلقه الثانيه
انا اتصدمت.........اولا اول ما دخلت الاوضه حسيت احساس غريب..
ثانيا الكلام اللي بيقوله هيثم ده خلاني اشك اكتر
والكلام اللي قاله محمد.......خلاني اتاكد..انا زي ما قولت محمد واحد مش بيكدب وبيصلي دايما
وهوا ده اللي خلاني اصدق اللي بيتقال..طيب
انا: طب مش يمكن مثلا يا محمد يكون انت كنت بتحلم او حاجه
محمد:لا انا مكنتش بحلم انا متاكد من اللي بقوله
فروحت باصص لهيثم وبساله.: طب انت في حاجه شوفتها بعينك او حصلتلك يعني
راح هيثم باصلي وقالي.: اومال احنا خلناك تيجي ليه!!!
انا اول ما سمعت الجمله دي قلبي وقع في رجلي...انا ليه اشمعنا انا يعني
قالي بص احنا نعرف ان انت تعرف الشيخ اللي في المسجد اللي جنبكوا
احنا بس كنا عاوزينك تحكيله على اللي بيحصل ده...يمكن في حاجه غلط
انا: لا متقلقش ان شاء الله خير
خلاص صدقني انا نازل دلوقتي هروح للشيخ وهحكيله على اللي بيحصل
بس فهمني الاول...انت دلوقتي مبتشوفش حاجه انت بتحس بس صح ولا ايه؟
قالي: لا مش بالظبط..يعني انا مره وانا نايم في الاوضه سمعت صوت حد بيتكلم بره فقومت اشوف مين صاحي لحد دلوقتي
انا: ها وبعدين
راح بصلي بصه مش هنساها ابدا في حياتي وقالي..ملقتش حد بره خالص!!
روحت باصص لاتنين كده واستغربت اوي...يا ترى ايه اللي بيحصل بس
استاذنت من هيثم ورحت الحمام اغسل ايدي لان مكنش في حد من اهله خالص في البيت ساعتها
ورجعت لقيت محمد زي ما هوا سرحان ومش معانا خالص
فبقوله يا محمد..متشلش هم والله انت ممكن تكون بتحلم يا ابني صدقني
او اي حاجه...احنا لسه منعرفش حاجه
راح قالي : انا بحس في حد علطول معايا في الشقه..في حاجه بتحصل وانا نايم..انا بدأت اخاف
روحت انا بقا عامل فيها الواد اللي مش همه حاجه بقا ..وروحت مبتسم وقايم من عنده وماشي وبقول
يا جماعه متخفوشش اوي كده دا انتوا رجاله هوا في رجاله تخاف..وبعدين لو في عفريت يطلع..وبدات ازعق بصوت عالي
لو في عفريييييت يطلعلي سامع ولا لأ....وبضحك ورحت رايح لباب الشقه
(بس ساعتها بس اتاكد ان اغبى حاجه عملتها لما زعقت وقعدت اقول لو في عفريت يطلعلي!!!!!!!!!)
وانا رايح لباب الشقه كان اصحابي بيوصلوني...فلقيت هيثم راح ضاحك وبيهزر وبيقولي..: يا اخي حرام عليك الكهربه مش تطفي نور الحمام وراك
روحت باصص لمحمد لما هيثم مشي ... وروحت قايله
انا متاكد اني طفيت النور وانا خارج!!!!!!!
ادعولي كتير بالله عليكم
(اختكم في الله سندريللا )
__________________
Veterinarian and proud to be so
Veteriner ve gurur kadar olmak
Vétérinaire et fier de l'être
Veterinario e fieri di esserlo