[سيرة الايام]

السلام عليكم
اولا انا اختكم ف تالتة ثانوى السنة دى بس نظام قديم بس مقسمة السنة جبت ف تانية 98.3%
انا متابعاكوا من الاول واستفدت من النصايح اللى اتقالت هنا بجد وعلشان كدة انا قررت ادخل واقلكوا نصيحة لوجه الله لانى ملاحظة ان ف ناس بتدخل هنا كتير اكتر من مرة ف اليوم ودا ف حد ذاته غلط وبيضيع الوقت علشان كدة ياريت يا شباب تحاولوا تحددوا الوقت اللى هتدخلو فيه ومش كل شوية تفتحوا النت ياريت تبعدوا الكمبيوتر عن الروم اللى بتذاكروا فيها علشان تعرفوا تركزوا وكمان لما تدخلوا مش تدخلوا علشان تتحاوروا وبس لا حاولوا تستفيدوا من كل حاجة ف المنتدى متضيعوش وقتكوا ف اى كلام علشان ميجيش اليوم اللى تندموا فيه لا قدر الله وكمان انا عندى نصيحة ليكوا عن تجربة دا هيفيدكوا جدا وخصوصا ان فترة الامتحانات عندكوا صغيرة مش هتلحقوا تراجعوا كل حاجة قبل الامتحان علشان كدة من دلوقتى حاولوا تعملوا لكل مادة كشكول كدة حلو ومنظم تجمعوا فيه الاسئلة الصعبة من اول درس ف كل مادة وتكتب طريقة الحل اللى حليته بيه حتى لو هتكتب كلام عادى كانك بتكلم نفسك وبتشرح لنفسك علشان اخر السنة تكون مجمع الاسئلة الصعبة ف كل مادة وتيجى يوم الامتحان تمسك الكشكول وتراجعه لانك مش هتبقى فاضى تراجع من الاول وكدة وربنا يوفقنا ويوفقكوا وتحققوا اللى تتمنوه معلش لو الكلام متلخبط بس دا لانى بكتب بسرعة