[د.عبدالله محمود]

ما قاله الدكتور / محمد مرسي في تسجيل جريدة الوطن :

دي جريمة قانونية وانقلاب .. وبالتالي رئيس الجمهورية اللي هو أنا
طبقاً لدستور البلاد .. وما حدث ضربة للمؤسسة .. ده بيقلب كل موازين المؤسسة .. فاحنا في حالة انقلاب .. أنا تمن بسيط لمستقبلكم .. ويعلم الله سبحانه وتعالى إن أنا صادق في اللي أنا بقوله .. هذا الذي يحدث تعاني منه بلد مصر كلها .. الصراع اللي بينا وبين اسرائيل .. هذه مهزلة .. متى تعود مصر لمكانتها ويكون فيها فصل بين السلطات بجد .. ويكون فيها حرية وديمقراطية حقيقية .. مكتوب في جرنال إن ناس من العرب اللي ساكنين في القدس طلبوا من السلطات الإسرائئلية إنهم يطلقوا على شارع اسم رابعة والسلطات الإسرائليلة استجابتلهم .. يعني اسرائيل فرحانة برابعة ولا زعلانة من رابعة !! .. ودايما يدورلك على مصيبة تورطك .. وربما تثبت الأيام إنهم ورا المصيبة اللي احنا فيها دي .. ربما !! .. لأن أنا معنديش يقين إني أتهم حد .. لكن اللي احنا فيه ده يخدم اسرائيل طبعاً .. مصر تستقر وتنمو وتبقى قوية بأبنائها .. زي ما أنا كنت بقول عايزين ننتج غذاؤنا ودواؤنا وسلاحنا .. بالثلاث حاجات دول .. تبقى اسرائيل ملهاش قيمة لو مصر بقت كده .. خالص .. ملهاش قيمة خالص .. إيه اسرائيل دي .. لكن طول ما مصر فيها قلق .. طول ما اسرائيل بتستفيد .. لأن إحنا بنضعف نفسنا من داخلنا ..