هو اصلا ايه فكرة الجواز التقليدى ؟
واحد معاه فلوس وعايز يتجوز فبيروح لناس معاهم بنت جميلة وعايزين يجوزوها ( مش شرط جميلة ...ممكن حسب المواصفات وممكن الخاطبة بيكون معاها كتالوج عشان تنقى )
ايه الفرق هنا بين الجواز و انك تشترى موبايل بكاميرا ؟
الجواز عن حب هو القاعدة وهو الصح ولما بينجح بيكون افضل واحسن علاقة بشرية ؛ بس للاسف الحب حاليا نادر ولو موجود فالملل بيقتله
وبعدين الجواز التقليدى هو اللى ماشى دلوقتى ..انت بتحب بنت وتقعدوا فترة طويلة تحبوا بعض وبتسيبوا بعض فى الاخر سواء لاسباب تافهة او اسباب مهمة وهى بتتجوز تقليدى او بتشوف غيرك بسرعة ، وانت بتروح تقول لماما شوفيلى واحدة بنت ناس اتجوزها.
ده اللى بيحصل للاسف
من الاخر عشان ما ارغيش ؛ انا عن نفسى لو ما اتجوزتش اللى بحبها فهعيش عازب ...افضل بكتير من انى اظلم واحدة مابحبهاش
شكرا ع الموضوع
|