[من ضيّع فى التعليم عمراً]

لو سمحتو يا جماعة يا بتوع المناهج لو تكرمتوا اعتبروها رأي مطروح لنظر سيادتكم
بلاش الفضاء والقمر وتحت الارض في الابتدائي
العيال جالها تخلف الطفل بيتعلم بالمحسوسات اكتر من الخيال وخاصة في الازهر اللي بتعتبر فيه مادة التربية الفنية والتي من المفترض انها تنمي الخيال بتعتبر ولا حاجة بصراحة
مال عم عثمان وعمر وامل وكتب زمان اللي التلميذ فيها لو معرفش يقرأ الكلام يقرأ الصورة
عم عثمان شد الكرنبة
مش هستريا ولا جنان
ارحمونا من مناهج الزفت اللي خلت التلاميذ ازفت من الزفت
علموا التلاميذ الاساسيات في الابتدائي ورصو عليهم زي ما انتوا عايزين بعدين
التلميذ ملكاته بتت*** بمجرد ما يحس انه مش عارف حاجة من بداية الدراسة
المناهج فيها حجات لا التلاميذ بتفهمها ولا اساتذتنا الافاضل خريجي المعلمين بيعرفوا ييشرحوها ولا التوجيه بيستوعب تناول المتخصصين ليها كل واحد في وادي وبعدين نقول التلاميذ بتهرب ليه من الأزهر
لو هتغيروا مناهج يا ريت تراعوا تغيير طرق التدريس العقيمة وتبقى دورات التأهيل حقيقيه مش تقفيل ورق
والتوجيه ياتخد دورات ويعرف هو بيتعامل مع مناهج ايه وتراعوا التكليفات المطلوبه من المدرس
مش تقولي مدرس عربي ابتدائي نصابه 24 حصة وطالب منه تصحيح ما لا يقل عن 600 صفحة كل اسبوع
تدريبات كتاب مدرسي
كتاب تدريبات
كراسات املاء
كراسات تطبيق
كراسات تعبير
كراسات مدرسة
في عدد التلاميذ في الفصل مضروب في 2
بالاضافة لمراعاه الشرح والتوضيح ومراعاة الفروق الفردية والاهتمام بالتلميذ الضعيف
يا ريت يا سادة شغل المكاتب بلاش منه
انزلوا لارض الواقع
لو افترضنا ان الورقة هتاخد دقيقتين تصحيح وتوجيه الاخطاء هنلاقي المدرس شغال 50 حصة في الاسبوع
مع مراعاه ان المدرس دا ملهوش اي متطلبات بشريه طوال يوم العمل وانه مستمر على الحالة دي طوال 9 شهور دراسة ان اردت ان تُطاع فأمر بما يُستطاع