[د/ ماجدولين]

اولا السلام عليكم
بجد أنا أول مرة أشوف الموضوع دة
وهو بجد
أكثر من رااااااااااااااااااااااائــــــــــــــــــــــــع
ربنا يبارك فيكوا يابنات
ويجازيكوا كل خير
معلش بقى أذا كنت حاحشر نفسى كدة من أول مرة فى الموضوع
بس بجد المشكلة دى مشكلة ناس كتيييييييييييييييييير
بالّذات فى السن دة
يللا بسم الله

المشاركة الأصلية كتبت بواسطة اشكوك ربى

السلام عليكم
انا مشكلتى ملهاش اى حل بس كل الى انا طلباه منكم انكوا تدعولى ربنا يخلصنى منها على خير
انا ياجماعة بموووووووووووت من الوحدة الى انا فيها احساس الوحدة هيقتلنى
مع انى عايشة مع اسرتى بس للاسف كل واحد فى حاله محدش بيحس بيا
ولا حد بيقولى مالك ولما اكون زعلانة مش بلاقى حد يقف جنبى
ولما دمعى يكون على خدى مش بلاقى حد يمسحولى
بجد تعبت اوى وبدعى ربنا ليل نهار يريحنى من الخنقة الى فيها دية
لية مش لاقيه حد يس بيا غير الغرب
ولا لاقيه حب غير من البعيد ,مش لاقيه حنان ولا حب ولا دفئ
طب اعمل اية طيب ليا حق انى احب الغرب اكتر منهم ولا لاء
انا بجد مش قادرة اكمل عاوزة اخلص من الحياة دية
عاوزة اسيبها فى اقرب وقت مش عوزة حاجة من الدنيا
اكيد الى خلقنى احن عليا من اى مخلوق فى الدنيا كلها
انا مش عاوزة اوصل لمرحلة انى اقول انى بكرههم مش عوزة اللحظة دية
تجيلى ابداااااااااااا علشان كدة عاوزة اسيب الحياة
انتوا مش فى فى اديكم حاجة تعملوهالى
مش هتقدورا تعملوا لاهلى حاجة علشان يتجمعوا
بس الى انا طلباه منكم انكوا تدعولى بجد من قلبكوا
انا محتاجة لدعاءكوا اووووووووى

أولا أختى
أنتى بنوتة حساسة جدا
أقل حاجة بتدايقك وأقل حاجة بتسعدك
أنتى عاوزة تحسى بالحب من أقرب الناس ليكى
ودة مش عيب ياقلبى
لكن فى بعض الناس
بتعتبر أنها مش ضرورى تعبر لأولادها عن حبها
يعنى مثلا صعب اليومين دول تلاقى أم بتحضن بنتها وتقولها
(أنا بحبك أوى وفرحانة انى عندى بنوتة زيك
وأنا عاوزاكى تكونى صاحبيتى ونحيكى لبعض ع كل حاجة)
ودة طبعا ناتج عن موروث خاطئ للأسف
اللى عفوا بيعتبر أن الأباء لما تعبر لأولادها عن حبها
يبقى كلام فارغ ولعب عيال
ومعظم الأباء بيقولوا
ما أحنا أكيييييييييييييييييييد بنحبهم
بدليل أن أحنا بنجبلهم كل اللى عاوزينة
يبقى أية لازمتة الكلام الفارغ دة؟؟؟؟؟؟
ومن الكلام دة نستخلص حاجة معينة
أهالينا 100% بيحبونا بس صعب يعبرولنا عن حبهم دة
وبعدين طب أيييييية الحل؟؟؟؟؟؟؟؟؟؟؟؟؟؟
يا قمر الأحساس بالحب دة شئ مهم لكل شخص
وأنا من رأيى
أنك تصارحى أهلك بأحاسيسك بكل صدق وأخلاص
ممكن فى البداية يستغربوا بس بعد كدة أن شاء الله هيفهموا وهتلاقى منهم أستجابة كويسة
لأن مفيش حد فى الدنيا بيحبك قدهم
يابنتى أنتى حتة منهم أنتى بنوتتهم اللى بيخافوا عليها من الهوا الطاير
أنتى بنوتتهم اللى عاوزين يشوفوكى أحسن واحدة فى الدنيا
أنتى بنوتتهم اللى بيعدوا يجهزوا فى جهازها من وهى فى اللفة أنتظارا لأبن الحلال:D
باقى حاجة أخيرة ياملاكى
فى بعض البنات بتضيع فرص ذهبية للقرب من أهلها
حوضح أكتر
لما تكون البنت مضايقة من حاجة
وتيجى مامتها تسألها تقوم البنت ترد عليها ردود من أمثال
(دى حاجة تخصنى)
(وأنتى من أمتى بتهتمى بيى)
(سيبينى فى حالى)
(مش عاوزة أشوف حد فيكم)
......................ألخ
طبعا الأهالى بتصدق الكلام دة وتفتكر بنتها قليلة الأدب
وتفتكر أن بعدها عن بنتها هو دة اللى هيريحها
وتقول أن كل اللى هتعملهولها أنها تدعيلها ربنا يهديها
وهنا البنت مش بيبقى قصدها خالص الكلام اللى قالتة
البنت بيبقى كأنها بتقول
(ماما. حسى بيى شوية .أنا محتاجاكى.
أفهمينى ولو مرة .
ياريت تغيرى طريقتك معايا................)
بس زى ما قولت
الأهللى مش بتفهم كدة
عشان كدة
كلمى أهلك بصراحة
فى حاجة تانية كمان
علاقتك الكويسة بربنا وخدمتك لدينك
أقسم
أنها سوف تريحك بطريقة لا تتخيليها وكمان القرآن الكريم
أنا مش عاوزة أطول فى الكلام أكتر من كدة عشان مش أتحدف بالطوب والزلط وأخد أستمارة ستة:D
ربنا معاكى يا قلبى ومع كل اللى زيك
والسلام ختام
فى رعاية الله يا بنات