[هتـــلر]

كل واحد فينا عبارة عن بطاريه محتاجه شحن باستمرار و الشحن ممكن يختلف مره عن مره يعنى مش هيكون شحن كهربا بس على طول ممكن شحن جاز او شحن عصير او شحن بتنجان
اللى اقصده ان الانسان كل يوم بيتشحن بشحنات مختلفه يا اما ايجابيه او سلبيه او بيتشحن بضغط او عصبيه او بسعاده او غيره
والانسان مش هيقدر يتحكم فى دخول الشحنات او لا يعنى لما حد بيحبه هيموت اكيد هيتشحن تلقائى بشحنات حزن و غم بس الانسان يقدر يفرغ الشحنات ديه و يحط نفسه فى جو يشحنه شحنات ايجابيه تانى
وخلى فى علمك ان مفيش شحنات بتفضل على طول طول ما انت بتُستهلك يعنى اقصد بتتعامل و تتعرض لمؤثرات
عشان كده لما تتشحن فى يوم شحنات وحشه متزعلش و تعمم و تقول الدنيا وحشه لكن قول الحمدلله و اكيد تانى يوم هتتشحن شحنات ايجابيه كتير

طبعاً انا شكلى الفصل التاسع مأثر فيا و انا بكتب الكلام ده