[اسامه البنا]

عايز قوانين مطابقة للشريعة الاسلاميه .
عايز دستور يمنع دخول الأفكار الغريبة والشاذة لمجتمعنا .
يقولوا أن الدستور دا ها يسمح بجواز الشواذ وبناء المعابد البوذية والبهائية وان الستات ممكن تتجوز أربعه زي الرجالة .
طيب ممكن تقرءا المادة الثانية من الدستور الي موجودة من دستور71
( الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسي للتشريع . )
معناه إيه الكلام دا ها جيب ليك من الأخر
افرض مجلس الشعب الي جاي كان أغلبة من الشيوعيين الي ما بيعترفوش باي دين وعازيين يعملوا قوانين مخالفة للشريعة الإسلامية .
أقولك أسف في بوابه اسمها ( المادة الثانية ) تمنع أي قوانين تخالف الشريعة الإسلامية .
وفكرك سنه 2009 لما المحكمة الدستورية منعت كتابه كلمه بهائي في خانة الديانة في البطاقة بسبب وجود المادة الثانية في دستور 71
طيب لو الأغلبية من الإسلاميين وعازيين يطبقوا الشريعة الإسلامية .
هقولك ممكن تشاور لي علي مادة تمنع تطبيق الشريعة الإسلامية في الدستور .
يعني المادة الثانية وتفسيراتها السابقة من المحكمة الدستورية كافية جدا جدا واي كلام ذياده عن كدا ما هوا الا دعاية حزبية وانتخابية .