اقتباس:
ليه مجتيش
انا رأيى نخفف الجدول عشان نحس بإنجاز
اهو ادومها وان قل
ونقلل من العربى والانجليزى
بالذات العربى عشان مصادره كتير يعنى نص المنهج الشهر دا والنص التانى الشهر الجاى
وباقى المواد زى مهى احنا بنخلصها المواد العلمية ومفيش مشكلة
ايه رأيك ادخلى اى وقت مش عاوزين نفقد الهمة
|
بجد مكسوفة منك لان امبارح مدخلتش عشان كنت مسافرة البلد ولا جيت نمت علطول 13 ساعة بلا فخر
اما انهردا ماما استولت على النت وست الحبايب بأى
بس انا حسة ان انا بستعبط والله
لانى اقدر اخلص الكمية دى بس لسه بلعب وشغل العيال ده عقبال ما ارغى مع واحدة من اخواتى او اتسلى على النت اقرا ملازم او ارتب الاوضة اليوم بيخلص
فحسة ان العيب مش فى الكمية العيب فيا
انتى ايه رايك
العيب فيا ولا الكتاب اللى مخاصمنى
انهردا كنت بعيط وبقول لنفسى انتى فى ثانوى انتى اتجننتى وبرده بضيع وقت وحالتى النفسية بايظة وعرفة انى مش هصدق انى فى ثانوى غير لما ادخل فى الجو
حتى الوقت بيضيع من عدم الاحساس بيه
وكانى لسه مستوعبتش انى فى ثانوى رغم كمية الشعارات اللى حطاها فى الاوضة
ربنا يهدينى
ماما قالتلى ان دى بركة السنة اللى يستغلها صح منكن يجيب مية فى المية اللى هيسيبها زيك هيروح ورا الشمس مهما كان ذاكر فى الاول هيكون نسيه ولو ذاكر فى الاخر بس مش هيقدر
انهردا ذاكرت درس ادب ودرس نصوص بس اهيىء