[ahmedelfangary]

المشاركة الأصلية كتبت بواسطة lazersun

يا اخي الحبيب ربنا يهديك وتقرأ الدستور بشكل أفضل وبنية حسنة حتى تفهم محتواه بطريقة صحيحة ولا تعتمد على السمع والطاعة فقط في الاجتماعات السرية ولكن يا ريت تشغل مخك مش تشغل لسانك فقط بنقل الاجتماعات بطريقة بديهية وعيب عليك يا راجل يا مخترم لما تقول على اخواتك المخالفين لك في الرأي أننا عبيد للبيادة فكلنا عباد وعبيد لله مطيعين له محبين له ولرسوله سيدنا محمد صلى الله عليه وسلم الذي أخبرنا أن جنود مصر هم خير أجناد الأرض ........... ونحن نؤمن به صلى الله عليه وسلم وبما بلغ به عن رب العزة سبحانه وتعالى فهو عليه الصلاة والسلام لم ينطق عن الهوى إن هو إلا وحي يوحى علمه شديد القوى ......... فعد إلى رشدك وصوابك

لما الرسول صلى الله عليه وسلم قال حديث خير اجناد الارض .. قال : فاتخذوا منهم جندا .. القول هنا يعود على الشعب .. فلم يكون هناك جيوش نظامية في ذلك الحين .. يعني الرسول صلى الله عليه وسلم يقصد انا وانتا وكل مصري .. وليس المقصود الجيش بذاته .. بل المقصود المصري بشكل عام .. ولو حضرتك بتقولي اقرا الدستور .. انا قريته وفيه بعض المواد الممتازة .. لكن ما بني على باطل فهو باطل .. فلو كان الدستور ده من هيئة تمثل اطياف الشعب .. وهيئة شرعية .. كان ممكن اقول صوتي .. وحكاية الاجتماعات السرية .. فان كان كل قياداتنا سجنو .. هنجتمع ازاي والموجودين الان هم الأعضاء .. ويا ريت حضرتك اللي تشغل مخك وتسال نفسك هل 30 يونيو ثورة او انقلاب .. هيا اكيد انقلاب .. لان مفيش ثورة بمساعدة هيئة حكومية كالجيش والشرطة .. ومفيش ثورة الناس اللي شاركوا فيها نزلوا يحتفلوا .. يعني مفيش نضال .. يبقى دي ثورة .. وبدون شهدا .. وان كانت ثورة فهي لا تمثل كل اطياف الشعب المصري .. فهي كانت في ميدان التحرير .. ولو حسبنا سعة ميدان التحرير في 160000 .. طيب .. وليه الجيش نزل .. مش انتوا كنتوا سلميين .. مالغرض من نزول الجيش .. وهل يحق للسيسي عزل رئيس الجمهورية المنخب .. مع العلم ان في مادة في الدستور تنص على ان رئيس الجمهورية هو القائد الأعلى للقوات المسلحة وهو المتحكم في شئونها .. وازاي السيسي اقسم ان يطيع رئيس الجمهورية .. ويعزله .. هل ممكن مدرس يفصل مدير المدرسة .. اظن كده الصورة وضحت .. وياريت حضرتك اللي تشغل مخك .. ولو هتعارضني يا ريت يكون باسباب وادلة ..