[شموخ مسلمة]

برده نفس النقطة اللى اتكلمنا فيها قبل كده الصراع بين البنت و الولد؟!

يا جماعة احنا مش اعداء و عشان مانضحكش ع نفسنا الولد محتاج للبنت و البنت محتاجة للولد دى فطرة ربنا خلقنا كده
يعنى سواء شتمنا فى بعض او لا احنا كده
دى حاجة
الحاجة التانية يعنى حضرتك بمنتهى الصراحة مقتنع ان البنات مش ليهم اهمية و مقتنع ان البنات مش وراهم غير المشاكل بصراحة يعنى ؟اصله مش معقول حضرتك مش عارف ايه اهمية البنات

و معلش طلب بس
لو حضرتك عايز تكمل الموضوع او تغلط فى البنات احنا عادى ع فكرة مش متاثرين خالص و الله اصل ديننا علمنا اهميتنا و كرمنا و نبينا عرف الرجالة ايه اهمية البنات
بس الطلب بتاعى بأى
من فضلك لو عايز تغلط فى البنات ماتقولش الكلمة الرسول_ص_قالها بمعنى معين عشان تسئ للبنات لان الرسول _ص_لما قالها احنا فاهمينها كويس و لو حضرتك سالت شيخ او يعنى دورت فى الجوجل هتعرف ايه مناسبة الجملة
فياريت لو حضرتك هتكمل الموضوع ماتدخلش الدين فى الكلام و الا هيبقى ضدك لان ديننا مكرم البنت اوى اوى فاستحالة ان حضرتك هتجيب جملة او كلمة من الاسلام عشان تهين بيها البنت
وكمان ياريت لما حضرتك تجيب كلمة لفيلسوف ضد المراة من العدل انك تجيب كل الاراء ده حتى الفلسفة بتعلمنا الراى و الراى المخالف و لا ايه؟!
اه بالمناسبة كلمة بس عايزة اقولها للكل
ياريت يا جماعة بدل مانشغل نفسنا اننا نجيب عيوب بعض يبقى افضل لو شفنا مميزات بعض عشان نقدر نتعاون و نخدم ديننا و بلدنا و ياريت نشغل نفكيرنا بحاجات اهم

بالتوفيق لحضرتك