اقتباس:
بصى انا فكرت فى حاجتين
ان احنا نخلص فرع فرع يعنى نقفل النحو مثلا الاول بعدين البلاغة بعدين الادب وهكذا ايه رايك
يعنى بمعدل كل اسبوع فرع بالكتير اوى بس نقفله تقفيل بعد ما نخلص هنحل كل الامتحانات من 1995 ل2013
وكل المراجعات
الفكرة التانية
كل يوم نذاكر اكبر قدر من الدروس ونتسابق وكل وحدة تكتب ذاكرت اد ايه عربى
لغاية ما نقفله
عشان نشعل الحماس فينا والارادة
ايه رايك ؟؟؟
|
هوا حلو في حكاية التنافس بس فكرى ان احنا معانا مواد تانية اهم من العربى لان العربى امتحاناه محدود ممكن بدون حل الواحد يجيب فيه درجة حلوة لكن المواد التانية العلمية عايزة حل اكتر من مذاكرة
فاحنا نعمل دا في المواد التانية
الجدول هيستمر في المواد العلمية كيميا - فيزيا - احياء - جولوجيا
اهم حاجة قببل المذاكرة الحل واحنا ادوبك هنحل من ملخص واحد لازم من اول سؤال لاخر سؤال
والكمية بتعتهم خفيفة وحلوة
لكن العربى شيفاه كتير مع المواد التانية لازم نحس بالانجاز عشان نقدر نكمل الجدول فهنقسمه على شهرين ونخففه بالذات النصوص والادب والقراءة اما النحو والبلاغة والقصة زى محنا لانهم بساط وسهلين
فالعربى
- نصوص 10 بالمسرحية والقصة القصيرة هنقسمهم 5 على كل شهر
الشهر دا
... غربة وحنين في الاسبوع الاول
.. المساء في الاسبوع التانى
.. الصغيران وصورة الكمان في الاسبوع الثالث
.. صخرة الملتقى في الاسبوع الرابع
نقسم النص على الاسبوع والحل بتاعة في كتاب الامتحان
يعنى نذاكر مثلا 4 ايام ونخلصه كله ونحل في 3 ايام
- الادب
.. الاحياء في الاسبوع الاول
.. مدرسة مطران الرومانسية في الاسبوع التانى
.. المقال ومدرسة الديوان في الاسبوع الثالث
.. مدرسة ابوللو الاسبوع الرابع
.. التقسيمة نفس النصوص
- القراءة
كل درس في اسبوع
.. نفس التقسيمة
- القصة
كل يوم فصل
بحله
- النحو الشهر دا هنذاكر دروس النحو
كل يوم 3 دروس من كتاب الامتحان
الشهر الجاى كل يوم 3 قطع نخلص قطع الثانوية العامة وقطع الامتحانات وملخص الرسالة
- البلاغة اول اسبوع نراجع ونذاكر
باقى الاسابيع كل يوم حل قطعة بلاغة
________________________________
الانجليزى كمان هنقسمه مش محتاج مراجعة كتير
- كل اسبوع شبتر >> 4 شبترز في شهر >> 8 شبترز في شهرين
الشبتر هيتقسم 4 ايام حفظ اسئلة و3 ايام حل اسئلة كل الملخصات
- كل اسبوع 2 يونتس >> كل يونت في 3 ايام يومين نحفظ فيهم كلمات واليوم التالت نحل فيه كل الكتب
وهنحل من سربرايز معانا احنا الاتنين ،، ذا بيست انتى وانا جيم ،، انتى كتاب تالت او ملزمة وانا توب ستيودنت
والملاحظات اللى قولتلك عليها بتاع توب ستيودنت هجمعها في ملف ورد ودهالك
وطبعا ثابتين في حفظ
- 5 ايات من سورة النحل
- 5 كلمات من كتاب سربرايز
* سياسة الثواب والعقاب لازم تكون موجودة
نتحرم من حاجة لو معملناش اللى كل علينا اللى في يومنا
انا مثلا هحرم نفسى من النوم ساعة ونص
الثواب ان اخد نص ساعة ع النت
ـــــــــــــــــــــــــ
وهنتنافس في تخليص اللى علينا
نقسم اليوم نصين كل نص مادتين
والجدول سهل خالص
لازم نستغل كل دقيقة لان هنندم عليها بعدين
انا تعبت في التنسيق مش معقول الجدول دا يروح كدا 
عاوزين نطبق كل حاجة بحذفيرها بقا لان خلاص دى فرصة اخيرة وكويسة جدا اننا نجيب مجموع عالى
عاوزين ارادة قوية
وتنافس شديد مش زى الاسبوع اللى فاتت
وان شاء الله ننجز كل حاجة
__________________
حديث الرسول -صلى الله عليه وسلم- : "المؤمن القوي خير وأحب إلى الله من المؤمن الضعيف وفي كلٍ خير، احرص على ما ينفعك، واستعن بالله، ولا تعجز، وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل، فإن لو تفتح عمل الشيطان"
|