اقتباس:
المشاركة الأصلية كتبت بواسطة محبة لمصر
على فكره يلي قاعد تجادل في الكل أنا ابني الكبير أصغر منك بحوالي أربع سنين وأنا مش تبع أى فئه بس مصرية صميمة ومسلمة وزي كتير جدا وأنا مدرسة وعرفت من الإخوان والسلفين والوطني والغير حزبين وإنتخبت في البرلمان قائمة الإخوان لان فيه ناس فيها أعرفهم وأحسيت فيهم بالصدق وعندما قالوا مش هنرشح رئيس احترمتهم وقلت دا قرار صائب وكنت عرفه أن أول رئيس غالبا هيفشل لأن الطموحات كانت زيادة شويتين بس لما رجعت الجماعة وطمعت ورشحت رئيس ولم تجد لها واجهة غير الدكتور مرسي حسيت إن الموضع مش دفاع عن الشريعة ولكن طمع في السلطة وعلشان كده أنا وكتير من الناس العادين المسلمين الي عايزين يعيشوا هم وأولادهم في أمان وأنا على فكرة ملتزمة لم أنتخب مرشح الإخوان وفي جولة الإعادة كنت هقاطع ولكن في أخر لحظة انتخبت مرسي وأنا متضيقة بس مع مرور الوقت ندمت أنني انتخبته وأنا في الدستور الأول قرأته وتناقشت مع زملاء من الإخوان وغيرهم فيه وحسيت إن فيه حاجات كتير متفصلة لتوطيد أقدام الإخوان وعلشان كده قلت لا للدستور الأول وغباء الجماعة وغطرطستها وتعاطف الناس معهم أعمت أعينهم وعقولهم وكان لوفيه في القيادات حدعاقل كان نصح بإجراء استفتاء علي مرسي ولا انتخابات جديدة بس علشان عدم الثقة أنهم مش هيفوز في الانتخابات دي ودا ثاني خطأ قاتل وصلنا لما نحن فيه أنا معاك فيه ناس اتظلمت كتير بس قبل ماتحاسب الأخر حاسب الذي أوصلكم لكده بلاش عدم الإعتراف بالخطأ وعلى فكرة الدستور ده مش قرآن وعلى فكره فيه ناس معنا في المدرسة بيقولوا احنا أخدنا بطاطين السنة الي فاتت علشان نقول نعم للدستور هم دول كنتم فهمتهم الدستور زي مابتقول وهم أنفسهم أخذوا بطاطين السنة دي علشان يقولوا لا للدستور محدش ناقشهم علشان يوضح لهم القصور من وجهة نظره بلاش تلعبوابضعف الناس ومشاعرهم لأن ربنا هيحاسبكوا على كده وعلى فكره أناسألتهم وهتقولوا نعم ولا لا قالوا احنا أخذنا البطاطين بس هنقول الي إحنا عايزينه يعني طلعوا أذكى منكم اعترفوا أنكم كذبتم وأخطأتم وبلاش تكبر وأنا هقول نعم للدستور وعلى فكره مش هتنقاش معاك لأن أنا قرأت واقتنعت وداصوتي وأنا هوجهه وياريت تفهم الناس الي مش فاهمه مش تعطيهم بطاطين يجب أن يكون هناك وقفه ومراجعة لأنكم أضررتتم بالدين لأننا مسلمون إن أيدناكم أو لم نؤيدكم
|
بالنسبة للبطاطين والزيت والسكر والكلام ده .. ممكن حضرتك تنزلي صورة لحد من الاخوان يوزع بطاطين .. وانا كعضو من الجماعة لم يرد امامي اي حاجة زي كده .. احنا صح عندنا جمعيات خيرية ( بعد ما اتجمدت اموالها ) بس مش بستغلها لجانب سياسي .. وبالنسبة للنقاش .. ممكن اعرف من حضرتك ايه المواد اللي عجبتك .. واللي معجبتكيش ولا هوا تأييد مطلق ..