[DaRk ZoNe]

السلام عليكم ورحمة الله وبركاته

اولا كويس يا سندريلا انك بقيتى كويسه الحمدلله والحمدلله على سلامتك ربنا يحرصك يارب ويحفظك من كل شر
وثانيا ياريت تتقبلى اسفى علشان وصلت موضوعك للدرجه دي بس انا والله ما كنت اقصد وانا اسف ليكى مره تانيه وبعد اذنك انسي حكاية حذف العضويه دي وماتخسريش اصحابك واخواتك اللى هنا لكن موضوع حذف الموضوع ده لو عايزاها اعمليه بس صدقينى والله انتى مالكيش اى زنب فى الكلام ده و صدقينى والله انتى لو كنتى بتقولى حاجه غلط او بتعملى حاجه تضرك فى دنيتك او فى اخرتك بعد عمر طويل ان شاء الله والله انا كنت هقولك من زمان مش هقولك لانى خايف عليكي علشان ممكن ماتصدقنيش لكن والله لانى استريحتلك اكنك اختي من اول قراتى للموضوع و انتى كنتي بتحطي قصه على لسان ناس تانيه علشان اصحابك يستمتعوا بيها وبتسليهم لكن يا سندريلا والله انتى مفيش عليكي اى زنب وانا اسف ليكى تانى واتمني منك ان تقبلى اسفى وتسامحينى علشان انا والله ما كنت اقصد حاجه ولا كنت اتوقع كده خالص وانا بشكرك على موضوعك اللى حسسنى انى ليا اخوات بعد ما كنت فاقد الاحساس ده والله لانى ماليش اخوات وموضوعك والله كان بيخرجني من وحدتي شويه شكرا يا سندريلا وان شاء الله دي هتكون اخر كلامي واخر مشاركه ليا وممكن ابقى اتابع معاكم على طول بس مش هشارك علشان كلامي بيسبب مشاكل لكم وشكرا ليكي يا سندريلا على الاحساس اللى موضوعك وصلهولى وكملى يا اختى موضوعك مع اصحابك واخواتك وتوكلى على الله


والاخت kalapala انا فعلا عنيد جدا زي ما حضرتك قولتى بس بلاش يا اختى تقولى اسفه دي لانى بحس انكم اخواتى والله وكلمتك دي بتفقدني الاحساس ده وخلاص يا اختى الموضوع ما بقاش محتاج لمناقشه انا خلاص اول ما الدراسه تقرب تبدا يعني فى شهر 9 كده هرجع ايطاليا تانى وهبقى اكمل دراستى هناك مع انى كنتي بتمني ادرس هنا وكنت بتمني اتجوز من مصر :D وحضرتك بتقولى انى اشغل قران فى البيت وانا والله الكمبيوتر مفتوح 24 فى 24 ومشغله على القران وشكرا على نصايحك واهتمامك يا اختى


والاخ Ra2oF الف شكرا ليك والله مش عارف اقولك ايه انا بشكركم كلكم على احساس الاخوات اللى وصلنى منكم وانا والله حاولت اخلى زياد يدخل هنا اكتر من مره علشان يشوف كلامكم ويحاول يقتنع بس مش موافق وانا قولتله يجي معايا ايطاليا ويكمل دراسته هناك وهجبله شغل هناك انا حسيت انه موافق بس اهله مش موافقين انه يبعد عنهم بس انا هحاول ان شاء الله انا قدامى لحد شهر 9 باذن الله وان شاء الله هبقى احاول ادخل اطمن عليكم من هناك علشان انا حسيت انكم اخواتى والله وان شاء الله احتاجكم فى كل خير يا Ra2oFشكر يا اخى


والاخت juliut انا اسف يا اختى انى حكيت بالتفاصيل زي ماحضرتك بتقولى لكن السبب انى حكيت بالتفاصيل والله هو ان ماليش اخوات وعايش لوحدي وحسيت انكم اخواتى وكنت محتاج اتكلم مع اخواتى اكيد يعني اللى عنده اخوات بيفضل يحكيلهم ويفضفض معاهم وانا اسف ليكى يا اختى مره تانيه اتمني انك تسامحينى


والاخ dr.saeed شكرا على نصايحك بس فى معلومه عايز اوضحها لحضرتك وهي ان الجن ضعيف جدا هوضحلك اكتر يا اخى سؤال بسيط جدا انت اضعف ولا الشيطان ؟؟ طبعا حضرتك هتقول انا لان بايمانك بربنا وقربك منه يخليك اقوي من الشيطان بكتير مع ان الشيطان لديه قوه خارقه بس على الانسان اللى بعيد عن الله وكذلك الجن يا اخى انت اقوي منه بكتير بقربك من ربك و بايمانك بيه ياريت يا اخى تكون فهمت قصدي وبشكر حضرتك على نصايحك واهتمامك بس كلامك للاخت سندريلا غلط وقاسي جدا عليها لانها مش بتعمل حاجه غلط ولا بتقول كلام مش كويس علشان يمسها اى سوء فى دنيتها او فى اخرتها بعد عمر طويل ان شاء الله وهي كمان مش بتقول كلام على لسانها وهي بردة نقلته علشان اصاحبها واخوتها يستمتعوا ويتسلوا واكيد انا وانت والكل بنقول قصص لاصاحبنا واخواتنا ياريت تكون حضرتك فهمت قصدي وبشكر حضرتك مره تانيه


وانا بتاسف ليكم كلكم يا جماعه على مشاركاتى معاكم وان شاء الله دي هتكون اخر كلامي ومشاركاتى معاكم علشان انا كلامي سبب لكم مشاكل وبعدكم عن موضوعكم خالص بس انا والله مكنش قصدي انا بس حسيت انكم اخوات ولانى فاقد الاحساس ده حسيته معاكم وحسيت انى محتاج احكي لاخواتى اكيد حضراتكم فاهمين قصدي وياريت تتقبلوا اسفى وانا ان شاء الله يا جماعه هرجع ايطاليا تانى وهحاول اخد زياد صاحبي معايا علشان ابعده عن هنا وان شاء الله السفر هيكون قبل الدراسه يعني لانى كنت بتمني افضل فى مصر على طول واتجوز منها :D وان شاء الله هسافر اكمل دراستى هناك واحاول ادخل اطمن من هناك على اخواتى بس مش هشارك علشان مسببش مشاكل لكم تانى وان شاء الله هبقى انزل مصر تانى
وبتمني تقبلوا اسفى وتسامحوني وانا اسف ان وصلنى الاحساس ده منكم هو وصلنى علشان مفتقده بس والله يا جماعه ياريت تسامحوني وانا هتابعكم دايما واطمن عليكم بس مش هشارك علشان ما سببش مشاكل
وياريت الادراه هي اللى تحذف عضويتى انا ده طلب من الساده ادارة الموقع

وربنا يوفقكم ياب ويحرصكم ويحفظكم من كل شر يارب وان شاء الله تجيبوا المجموع اللى بتتمنوه وتدخلوا الكليه اللى عايزنها اللهم امين
سلام يا جماعه

السلام عليكم ورحمة الله وبركاته