[هتـــلر]

لحظات كتير حلوه اوى عدت عليا من غير ما استمتع بيها و السبب انى شاغل نفسى ديماً بهموم بكره
تعبت كتير بسبب العاده الغبيه ديه و فايدتها الوحيده انها هتخليك متقعش بسهوله بس انا اكتشفت انى بتعب كل يوم عشان استريح يوم واحد بس
يرضى مين ده !!!!
انا ندمان بجد انى متوكلتش على ربنا و دعيته يفكلى كل همومى و اعتمدت على عقلى وبس و النتيجه انى تعبت و شلت هم كبير و بقيت مخنوق ديماً
يولع كل حاجه بجد بعد كده انا مش هشغل دماغى باى حاجه تاني انا مش ناقص وجع دماغ
مش هتعب نفسى مع حد تانى على حساب صحتى ووقتى و فى الاخر الاقيه مطنش تعبى معاه
مش هقلق على اى زفت امتحان تانى او نتيجه و بجد اللى يحصل يحصل و مش فارقه معايا اى حاجه خالص عشان بجد حرام اقعد كل يوم تعبان عشان خاطر يوم مالوش لازمه حتى لو تحديد مصير او عصير اياً كان
مشاكلى هخلى ربنا يحلهالى و هبقى اخد بالاسباب و هخلى ناس تحل مشاكلى معايا مش انا لوحدى الا فى الحاجات الخاصه اوى
مش ههتم تانى باى تفاصيل و هبص للحاجات الرئيسيه وبس
مش هيهمنى حد بعد كده و لو حتى اقرب الناس ليا طالما انا صح و مش بخالف دينى

انا انسان مش آلة و ربنا مخلقنيش غير عشان اعبده وبس و اعمر الارض ديه مش اقعد اعقد نفسى و اخنقها