[أ/رضا عطيه]

المشاركة الأصلية كتبت بواسطة أشرف الرميسي

شكرا أستاذنا رضا الجوهري علي تحليلاتك وتفسيراتك ونفس الشكر للأستاذ / وائل .. الذي أعلم إنه صرح كثيرا ..أنه ليس منهم .. بل كان مثلنا أحد أعضاء الحزب الوطني وهو.. ماإحترمته فيه .. لم ينكر مثلما لم نفعل .. فلم نفسد في الأرض..بل نحن كنا النقطة البيضاء في هذا الثوب الأسود يعني شخص تم إعداده سياسيا .. في مراكز إعداد القادة ومعسكرات أبو قير .. لماذا .. ينتمي بالموالاة لجماعة إرهابية بالمنطق والفعل والقول .. ولا تكذيب .. هدي الله الجميع

إيه مراكز إعداد القادة دى ؟
بتخرج قادة من أى نوع ؟
احنا ماشفناش فى حياتنا غير قاده من نوعين
الأول شعارهم اللى تغلب به العب به ودول تحويل مسارهم سهل
والتانى شعاره إن جالك الطوفان حط إبنك تحت رجليك

ياصديقى العزيز تعالى نعمل مصر جديده - مصرشعبية -كفاية علينا نخب
القائد فيها مش اللى ييجى يعزينا وقت الانتخابات فى أمى اللى توفت من سنين -رحمة الله على كل أموات المسلمين
ولا اللى ييجى يهنينا على زواج إبنى وحفيدى فى الحضانة
وهو خارج يقوللى بدون حياء وصيتك صوتكم للحاج عباس
كلهم حجاج -الحاج اللواء الركن-الحاج الأستاذ الدكتور -الحاج كبير المهندسين
ماشفتش مره كدا رئيس وردية أو مدرس ابتدائية أو حتى تاجر ملوخية

عايزين قاده تحس بالناس وتعيش مشاكلهم 365يوم فى السنة
فكرك هنلاقى من العينة دى فى السوق المصرى؟
طبعا هنلاقى بمشيئة الله
لأن المخلصين كتييييير واللى بيخافوا ربنا وبيحبوا البلد أكتر
وكمان لأن الشعب خلاص من كتر الغلب فهم وكمان طلع له أنياب
اللى عايش فى وهم الدولة القمعية لايلوم إلا فكره

قمعية مين وملوخية مين
الناس خلاص على الحياة الكريمة مصممين ومُصريين
فليخسأ المتشائمين

شكرا أستاذنا الكريم أشرف