اقتباس:
المشاركة الأصلية كتبت بواسطة ĴoĶeŔ
بسم الله الرحمن الرحيم
انا عندى مشكلة كبيرة جداً , وهى انى سواءً فى الدراسة أو الاجازة
ممكن اققعد حوالى 16 ساعة متواصلين على الكمبيوتر
مبذاكرش طبعا وعديت سنة اولى بالعافية , ولسة فى نص تانية
الحمد لله انى حسيت شوية وقررت اعالج مشكلتى
انا بكتب الموضوع دة وانا عليا امتحان , مش عارف اراجع ولا اعمل اى حاجة
وحاسس بذنب شديد , و قلق رهيب
وكل سنة ايام الامتحانات ارجع واقول هبتدى اذاكر بس مفيش فايدة
لو سمحتم انا عايز اخد اراء الاخوة والاخوات الاكبر منى
انا عايز اتعود على المذاكرة بحيث انى استعد لتالتة ثانوى
ومش عارف أعمل اية
|
بص انت بنفسك قولت الحل وانت مش واخد بالك هتقولي ايه ده انا عارف الحل بس مش عارف احل مشكلتي ازاي اقولك ما دام انت وصلت ان حاجة ماثره عليك انت كده وصلت للحل وامسكته حتي لو معرفتش انك تبطل تفتح نت اقولك ليه انت بكده عرفت ايه مشكلتك فممكن توضب جدولك وتقول لو خلصت كده النهاردة هفتح الفيس قبل لما انام فبالتالي انت بنفسك هتحاول مضيعش وقت علشان تعرف تخلص بدري علشان تفتح النت لاكن ممكن واحد ميكنش يعرف المشكله بتاعته ايه ودي في حد ذاتها مصيبه انت مش عارف ايه بيضيعلك وقتك علشان تحد منه لاكن انت اعمل اللي قولتلك عليه وان شاء الله خير ولما تدخل جامعه هتعرف اننا بنفتح النت طول النهار حتي يوم الامتحان ومش بنفتحه في الاجازة
وادعيلي كده انا برضك لسه في اعدادي خلصت التيرم ولسه ادامي التيرم التاني