اقتباس:
المشاركة الأصلية كتبت بواسطة _GUIDE_
اللى اعرفه ان حضرتك غلطت فى احمد رضا كمان
وواجب عليك تعتذرله
|
ماشى انا معنديش مانع أعتذره
بس يعتذر هو الاول ويعترف انه غلط فى الاول 
هما كلمتين والله يا إسلام وانتا عارف يعنى ايه مشرف
بص هو دة نص الموضوع بتاعى :
اقتباس:
ليه الشامبو بيبقى معمول بالخوخ الطبيعى بينما عصير الخوخ بيبقى معمول بنكهة الخوخ !!!!
ليه الواحد بيدوس عل الريموت بقوة وعنف لما الحجارة بتخلص !!!
ليه لما الواحد بيكون واقف مستنى الاسانسير وداس على الزرار وبقى منور تلاقى واحد جاى يبص لك ويبص عل الزار المنور ويدوس عليه تانى !!!
ليه اما تقول لواحد حاجة بصوت واطى يقولك ايه ؟!! وبعد كدة يرد !!! ما انتا سمعت اهو ؟.
ليه بيقولوا هدية مجانية .!!!! هو فيه هدية بفلوس !!!!
ليه وانتا داخل مدينة جديدة تلاقى عبارة (ابتسم  انت فى مدينة ......) هى دى فيها حاجة تضحك
ليه هيفاء وهبى بتقول (انا بردانة أح ) مع إن "أح" بتتقال للحاجات السخنة يعنى المفروض تقول أنا بردانة "برررررررر"
ليه لما حد يحب يقولك معلومة يبتدى الجملة بكلمة (بــيقولك) ___ -:: بيقولك كذا جاب مجموع ::-
|
ماشى أحمد حذف الموضوع ..
والله هو دة الموضوع واسأل احمد لو كان فيه كلمة ناقصة أو زايدة
السبب : انا بردانة أح
معترض على كلمة "أح" مع انها بتيجى مع الحرارة اما تيجى تتلسع مش بتقول أح أو يح
وبعدين ما تروحوا تحاسبوا الاستاذة هيفاء ما هى قالتها مش أنا
حتى لو كانت بالقباحة دى ...
ليه متحررتش والموضوع مشى بسلام .......
دا اللى نرفزنى وخلانى أعملوا موضوع
تانى حاجة أنا غلطان فعلا أنى هزرت معاه عشان كنت عايز أخفف الموضوع بالهزار لانى عصبى ....
جه طردنى
طب ليه مبعتش إنذار ....
وبعدين انا مغلطتش فيه ولا شتمته ولا حاجة
شوف الموضوع بنفسك
أخره تهكم يعنى إنذار بس
واعتذرت للمشرفين عشان يمكن عممت فى هزارى شوية :D
بس أنا بحترمهم جدا والله
لو فعلا أحمد عنده الجرأة يقول أنا غلطان انى محررتش المشاركة الاول أنا مستعد أعتذرله
وياريت الحيادية بجد
انا فعلا زهقت من الحكاية دى والله كل اللى مخلينى اتمسك بالعضوية دى
ان الدكتور هشام هيبة عارفنى بيها ومعظم زمايلى خاصة فى قسم الاحياء
ومش عايز الاستاذ صوت الحق يزعل منى خالص
وبالنسبة للموضوع التانى فانا مش داخله لانى مش ناقص باقى على النتيجة يومين وشدة الاعصاب اللى فيا مش عايز اتخانق تانى
وشكرا ..
آخر تعديل بواسطة DR.Neuro ، 12-07-2008 الساعة 10:52 PM
|