[واحـد من النــاس]

ده ردي ــ مع التعديل ــ على العندليب وهو قرآني ..

(((( القرآن هو المصدر الوحيد لعقيدة المسلمين كلهم ))))

والأحاديث التي وردت عن الرسول ــ بفرض صحتها ــ لا تؤثر في العقيدة او الأساس اللي بيقوم عليه إيمان المسلم وفرائضه .. وما خالف منها القرآن لا يُعمل به ولو صححه البخاري

لكن هي بتبقى وعظ ، حث على نوافل ، قصص أنبياء وصالحين ..... إلخ

وبالنسبالي انا قبل ماعرف ان في جماعة اسمهم أهل القرآن ، ماكنتش باصدق اي حديث في البخاري بنسبة 100% ولا 90 ولا 80% وده لأنها مش وحي نزل على البخاري ولم تكتب في حياة الرسول كالقرآن .. انما اجتهاد شخص ــ نحسبه صالحا ولا نزكيه ــ في تجميع أحاديث الرسول ..

لكن احنا نقول عليها .. الله أعلم .. لأن أكيد ان كان فيها الموضوع فيها اللي الرسول قاله ولو حديث يبقى لا نجزم بصحتها او بكذبها .. زي اعتقادنا في كتب الأديان الأخرى اللي حرفت .. مانقولش كلها مؤلف .. لكن اللي خالف منها القرآن لا نصدقه .. وما سكت عنه القرآن لا نصدقه او نكذبه انما نتركه فهو لا يؤثر في عقيدتنا ما دام ليس من القرآن ..

لكن أهل القرآن بيقولوا .. دي كدب .. كدب .. كدب .. وده غلط لان ربنا هو اللي يعلم صحتها من عدمها .. تمام ؟؟

وبردو ماناخدهاش كمُسَلَّمات ونساويها بالقرآن ..

اتقفنا .. ؟؟؟

ممكن اعرف من حضرتك دلوقتي ايه هي الاختلافات الجوهرية بين القرآنيين و السنة واعتراضاتك على الرد

وآسف ع الإطالة وعدم التنظيم ..

وشكرا ،،