السلام عليكم ورحمة الله وبركاته
انا هدخل في الموضوع على طول بدون مقدمات .. انا طالب فى الصف الاول الثانوي
ايام الامتحانات كان جالنا امتحان فيزياء مكون من 4 اسئلة كل سؤال فيه 3 جزئيات (أ,ب,ج)
يعني 12 جزئية وكل جزئية بـ 1 درجة يعني الامتحان بـ 12 درجة.. الحمد لله بصيت فى ورقة الاسئلة لقيتها سهلة ومعظم الحاجات كنت مذاكرها وفى دماغي حليت 6 اسئلة فرعية بـ 3 درجات ولقيت واحد صاحبي بيقولي هات مسطرة بلف وبدهاله لقيت الواد اللي قدامي قام شادد ورقة الاسئلة بتاعتي عشان كنت حالل فيها وحط مكانها بتاعته قام المراقب شافه بيعمل كدة خد ورقتي وورقته وطردنا من اللجنة وبالرغم من اني قعدت احاول معاه كتير رفض يديني ورقتي تاني وانا مليش ذنب
طب قولت الحمد لله انا حليت 6 اسئلة بـ 3 درجات والنجاح من 3 وفتحت الملزمة قولت اراجع لقيت انى حالل سؤال غلط والباقي كله صح يعني هجيب 2,5 يعني ملحق محستش بنفسي الا وانا ماسك الواد ونازل طحن فيه ومحدش قدر يحوش عنه لدرجة انى كنت هموته من الغيظ واني هضيع بسببه
دلوقتي انا رايح اجيب النتيجة بكرة ومرعوب اكون جبت ملحق مش عارف بقى ممكن يرفعوني نص الدرجة دي ولا ايه ياريت حد يفيدني لانى خايف جداً ؟