[bosy .. mostafa]

بسم الله الرحمن الرحيم

*(لضحايا الثانويه العامة) يا ترى هتسامح وزير التربيه والتعليم لو جالك بكل بساطه وقالك انا آسف ان الامتحانات جت صعبه؟

لأ , حرام عليه حطم نفسيتي

*فى نظرك لو حبيت تشترى درجه من واحد علشان تضيفها لمجموعك تشتريها بكام او بمعنى اخر مستعد تدفع كام او تتنازل عن ايه علشان درجه واحده بس؟

مش هشتري اصلاً , لإني معتمده على ربنا ثم مجهودي

*لو لقيت ربع جنيه على الارض هتعمل ايه؟

هاخده , طالما معرفش مين صاحبه , و بعدين ده لا بيودي ولا بيجيب


*لو حسيت انك متضايق ومخنوق من حياتك ومن الناس يا ترى مين فى الاتنين دول تحب تفضفضله(صاحبك/قريبك)؟

صاحبتي طبعاً , ماليش قرايب قريبين من قلبي

*لو ليك صديق مسيحى هتدعيه للاسلام ولا هتحاول تتجنب الكلام معاه فى الموضوع ده

لأ مش هدعيه للإسلام , إلا لو جه هو و فتح لي الموضوع