[M.H.Seadawy]

انا بصراحه مش عارف أكيد هرضى بقضاء الله وقدره وده الي مكتوب ليا وأنا عملت الي عليا وخلاص والحمد لله
وشكلها مش هتبقى حلوة السنة دي وما فيهاش هندسة
بس عندي إمتحان Icdl يوم الأربعاء بعد النتيجة على طول ومش عارف همتحنه إزاي لأني متأكد إن نفسيتي هتبقى وحشة جداً بس الحمد لله مش هعيط لأنها ما تستهلش إني أعيط أصلا
التعليم عملية فاشلة في مصر وأنا مش بقول كده عشان اعلق عليها الفشل ولا حاجة بس دي هي الحقيقة
إحنا بندور على إن إحنا نجيب أعلى المجاميع حتى لو مش فاهمين يعني بالحفظ
ولما نتخرج ما حدش بيشتغل في مجاله الي هو درسه وضيع فيه 4 أو خمس سنين من عمره
وبعدها الجيش بقى
وبعدها موووت يا حمار على ما يلاقي شغلانه
وعشان يتجوز لازم يلبي كل طلبات الأسرة بتاعت البنت الي عاوز يتجوزها والي هي فوق طاقته طبعا ومش هيكمل وللأسف الأسرة دي بتبقى عون عليه مش ليه يعني الحياة في مصر بجد فاشلة لمعظم الشباب إلا من رحم ربي
إنا لله وإنا إليه راجعون