بلاش اليأس دا قدامك اربع شهور لسة ترجعى وتذاكرى بس استغليهم صح والعيب اصلا مش في الجداول العيب فينا احنا قبل منظبط الجدول نظبط نفسنا ونسيطر عليها لان مش كمان في الثانوية في أى حاجة مفروض نقدر نتحكم في نفسنا عشان حياتنا متبقاش حياة الكسل بشوف الخريجين بالذات البنات وهما قاعدين في البيت زهقنين ومفيش حاجة مفيدة بتدخل حياتهم الا من رحم ربى ( في ناس كتير ميأستش وفضلت برضه تجتهد )
الحياة اللى فيها تعب بنحس لما نيجى ننام بجد تعبنا ومحتاجين نوم بنحس بترتيب في حياتنا مش طول اليوم نايمين نحس بإنجاز مش كل يوم تحسى بتأنيب ضمير انك مش عاملة اللى عليكى ومفيش جديد طب ليه الوجع دا اللى جيبنه لنفسينا ،،
وبعدين في طرق كتيرة اصلا تتصالحى بيها مع الثانوى
هقولك عليها بس مش دلوقتى عشان هتستحوذ عليكى وتفكيرى فيها زى منا كنت بفكر بس بعدت التفكير دا عنى
مفيش يأس في وقت لسة بس انت اهم حاجة تسيطرى على نفسك
حاولى مثلا تقولى هذاكر النهاردة فصل أحياء وتحسبى في كل صفحة بتخدى قد ايه واحسبى كل الصفحات وتشوفى مفروض تخلى امتى ولو خلصتى في الوقت مظبوط خدى نص ساعة نت فرحى نفسك
اول حاجة هتحسى بإنجاز وتانى حاجة انتى قاعدة وانتى مرتاحة شوية
وقرى نصايح لسة منزلاها في موضوع ازاى تخلص المنهج في 10 أيام >> نصايح استاذ
__________________
حديث الرسول -صلى الله عليه وسلم- : "المؤمن القوي خير وأحب إلى الله من المؤمن الضعيف وفي كلٍ خير، احرص على ما ينفعك، واستعن بالله، ولا تعجز، وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل، فإن لو تفتح عمل الشيطان"
|